🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 74
حاطة رقم تاعو تعيط وتعاود الليل كامل فايقة من سمعت خبر خوه وهي على نار تحب تحكي معاه... في بالها اذاحكى معاها ووقفت معاه راح تقدر ترجعلو وينسى شيء الي عملتو معاه... وهذي مرة ثاني ماهزش...
اروى: اوووووف علاه هك ياربي... هز برك نفضت روحها على سرير كارهة...
دخلت اختها سوسن للبيت... تشوف معاها...
سوسن: اممم مزال ماهزش؟
اروى: لا مزال من بارح نعيط مكان والو...
سوسن: يكون لاهي مع خوه برك...
اروى: كون هز عليا والله يسهل من بعد...
سوسن: صح مخك صغير... راجل خوه بين موت والحياة وانت تحبيه يهز عليك...
اروى: وانت وش دخلك... ياك بينو وبيني...
حلت لخزان وجبدت قشها وصاكها تحكي...
سوسن: كون انا راني رحتلو لسبيطار مش قاعدة نندب لهنا...
اروي: والله جبتيها اطفلة... بعدي بعدي نشوف وش نلبس... لازم نروح نشعل شعيل...
سوسن تشوف في عجب ربي: رايحة لعرس حتى تشعلي شعيل...
اروى: وانت وش راحلك... ديجا اخرج عليا خلي نبدل...
سوسن: تعرفي تعي صح...
اروى: نعرف اخرجي برك...
~~~~~~
مدت يديها لطابل دونوي هزت تلفون تشوف في ساعة... تنفضت من فوق سرير...
سلمى: اااااا محمد راح علينا الحال... فيق( لبست في رجليها طول لصالدوبان غسلت وجها وفمها... ورجعتلو للبيت تحرك فيه تقول ميت)... محمد نوض يالا فات علينا الوقت...
محمد: اممم لاه قداه ساعة...
سلمى: اي 9 شوف نحط القهوة وانت فيق اغسل والحقني... اوكي
تكسل يشوف معاهابعدها هبط من سرير تمشى للخزانة يجبد في قشو : كفاه راحت علينا نومة... نوصل روطار خلاص...
سلمى تعدل في سرير: شفتي انا تتراصالي معاقبة بڨارد...
محمد: وش قاعدة تعملي قلتي نحط لفطور... وقت تعدلي سرير...
ضربت على راسها: اخاااه شفتي كفاه كي نعود نزرب نتخلط...
قربلها محمد حاوطها من خصرها خطف بوسة من شفافها: سلموشتي ياك حنا روطار روطار... ماتقلقيش روحك واخدمي بعقلك اوك وجدي لفطور... وانا دوك نعاونك غير نغسل ونلبس برك...
تبسمت معاه حاوطت يديها على رقبتو: تعرف اروع ليلة فوتها كانت لبارح وكانو محمد نتع وقت العرس رجع... محمد الي يخاف عليا ويحبني....
محمد: نعرف اهملتك شوي... اما هاك تشوفي الخدمة هي الي بعدتنا...
سلمى: نعرف والله نعرف... قولي تروح اليوم...
جبد روحو وعاود هز قشو يحكي: لا مانقدرش نرجع... ممكن غدوة ولا بعد غدوة...
سلمى: اممم ربي يسهل.. مالا نقول لياسمين تبات معايا... هك مانقلقش وحدي
مع سمع اسمها قلبو ضرب وحس بسخانة طلعت ولعرق قاعد يسيح...حمحم يحكي
محمد: وياسمين علاه تبات معاك... ماعندهاش دار؟
سلمى وهي رايحة للكوزينة: حكاية طويلة تفرغ ونحكيهالك...
