Blinded By The Past (Marahuyo Series 1)

Chapter 53

Kakatapos lang namin maglunch nung agad na humiwalay sa akin si Lou dahil hinila siya ni Lianne at ni Dave papuntang room ng Class A. Sa wakas ay nakita ko na kung sino si Dave. Buset, palayaw kasi nun sa school ay 'Divina'!

Mamaya pa namang 2pm ang event at 12:30 pa lang ng tanghali kaya may oras pa sila. Ewan ko kung anong gagawin nilang pag-aayos kay Lou eh ang ganda ganda na naman nung girlfriend kong iyon.

Habang naghihintay at nagpapalipas ng oras ay tumambay muna kami dito sa labas ng room at nagjamming. Wala naman na kaming ginagawa dahil busy na lahat sila sa event. Nakakatamad tumulong.

"Nasaan nga pala si Lou?" Tanong ni Jin at tumigil pa sa pagtugtog ng gitara.

"Hinila ng bebe mo sa kung saan." Sagot ko at nakita kong kumunot yung noo niya pero kinalaunan ay parang na-gets niya na kaya tumango tango siya.

"Si Lianne?" Tanong ni Jay.

"Sino pa ba? Eh yun lang naman yung bebe niya." Sabi ni Brian at tumawa.

"Tss. Ni hindi nga ako kinakausap ng matino nun eh." Sagot ni Jin.

"Eh ikaw din kasi, hindi mo makausap ng matino kasi naii-starstruck ka." Sagot ni Phil.

"Palibhasa kasi ikaw, magaling kang magtago." Sabi ni Jin sa kanya.

"Ng alin?" Nagtatakang tanong ni Phil sa kanya.

"Feelings." Ako na yung sumagot kaya naman ay nakatanggap ako ng katakot takot na batok sa best friend ko.

"Kanino naman?" Tanong niya ulit.

"Maang-maangan pa nga." Sabi ko na lang pero sinamaan niya lang ako ng tingin.

Talagang sa akin pa siya magde-deny, eh pareho naming kilala ang isa't isa.

"Oy, Donnie. May tumatawag sa phone mo." Turo ni Jin sa phone ko na nakalapag sa tabi ko kaya napatingin ako dun.

Napangisi ako nung makita ko kung sino ang tumatawag at tumingin kay Phil.

"Best friend! Speaking of your bebe." Sabi ko at sinagot yung tawag, "Hello, Lods?"

"Anong 'Lods'?!" Agad na bulyaw niya sa akin. "Pauso ka na naman, Kuya!"

"Lods, short for Lodi. Diba yun naman pangalan mo? Melody?"

Noong narinig ni Jin, Jay at Brian yung pangalan na binanggit ko ay agad nilang binuyo si Phil na nakasimangot at parang nababadtrip na.

"Parang gago." Sagot ni Melody sa akin kaya napakunot ang noo ko.

"Anong sabi mo?"

"Joke lang, Kuya!"

"Yang joke joke mo na yan, makakatikim ka ng pitik sa bibig, kala mo."

"Sorry na nga eh. San ka ba?" Tanong niya bigla.

"Nasa tapat ng room."

"Ay sige. Punta ako dyan." Sabi niya at ibinaba na yung tawag.

Napatingin na lang ako sa phone ko dahil sa ginawang pagbaba ni Melody. Hindi niya man lang sinabi kung bakit niya ako hinahanap. Parang ewan eh.

Mamaya pa ay may natanaw na akong naglalakad na babae na akala mo ay sa kanya tong school na to. Nakikita ko ding lumalayo yung estudyante sa kanya kaya nagkakaroon ng malawak na daan yung madadaanan niya. Loko loko talaga to si Melody.

"Yow, Kuya." Agad niyang bati sa akin.

"Bakit mo ako hinahanap? Miss mo na ako? O baka iba namiss mo?" Seryoso kong sabi sa kanya.