ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )

Chapter 23: ငါ့သမီးက မင်းကို မကြိုက်တာကို မမြင်နိုင်ဘူးလား (၁)

Chapter 23: ငါ့သမီးက မင်းကို မကြိုက်တာကို မမြင်နိုင်ဘူးလား (၁)

အကျပ်အတည်းနဲ့ ကြုံတွေ့ရတဲ့အချိန်မှာ လူတွေက အတိုင်းအဆမဲ့တဲ့ စွမ်းရည်တွေကို ပြသနိုင်သည်ဆိုသည်အား အမှန်တရားက သက်သေပြခဲ့လေသည်။

ဟော်ဆွေ့ချန်း၏ဝတ်စုံနှင့် ရင်းနှီးသည့် ထိတွေ့မှုကို ရှောင်ရှားရန်အတွက် ဟော်ရှောင်းရှောင်းသည် သေတော့မလိုကို ရုန်းကန်နေခဲ့ပြီးသူမ၏ဖခင်ကို လုံးဝ ထိခွင့်မပြုခဲ့ပေ။ ထိုအချိန်တွင် သူမ အလျင်စလိုနှင့် စိတ်စောစွာ “ ဖိုးဖိုး ” ဟု အော်လိုက်သည်။

သူမ ပြောလိုက်သည့်အချိန်တွင် သူမလည်း အံ့သြသွားခဲ့သည်။ သူမ သူမရဲ့ပါးစပ်ကို စဖွင့်လိုက်သည်အချိန်မှာပဲ စကားပြောရန် သင်ယူခြင်းသည် မခက်ခဲတော့ပေ။

သူမ မနေ့က ‘ ဖေဖေ ’ ဆိုသည့် စကားလုံးကို ပြောခဲ့ပြီး ယနေ့ သူမ အဖိုးကို ပြောခဲ့သည်။  ထို့နောက်မှာတော့ မိသားစုအမည်တစ်ရာအပြင် စံအက္ခရာတစ်ထောင်နှင့်အတူ အက္ခရာသုံးခုစံနမူနာကိုလည်း သူမ ပြောနိုင်လိမ့်မည်။

[အက္ခရာသုံးခုစံနမူနာ_တရုတ်စံအက္ခရာများ]

သခင်ကြီးဟော်သည် ဟော်ရှောင်းရှောင်းအား တစ်နှစ်ပတ်လုံး ဂရုစိုက်ပေးခဲ့သည်။ ဟော်ရှောင်းရှောင်း အရွယ်ရောက်လာသည့်အခါ ဖိုးဖိုးဟုအော်ခေါ်နိုင်ရန် သူမကိုနှစ်တစ်ဝက်လောက် သင်ကြားခဲ့သည်။ အခုချိန်ထိ သူ့ဆန္ဒမှာ လုံးဝ ဖြစ်မလာခဲ့ပေ။ ပိုဆိုးသည်မှာ မနေ့က သူမ၏တစ်နှစ်ပြည့်မွေးနေ့တွင် ဖေဖေဆိုသည့်စကားလုံးကို သူ ကြားခဲ့သည်။

၎င်းသည် သူ့အား သိသိသာသာ ဒေါသထွက်စေခဲ့သည်။

ဒီကလေးက သူနဲ့ တစ်နှစ်လုံး အတူရှိခဲ့ပေမယ့် ‘ ဖေဖေ ’ လို့ အရင်ပြောတာလေ. . .

အကြင်နာမဲ့တဲ့ ကောင်မလေး. . .မင်းရဲ့အဖေက မင်းကို နိုင်ငံခြားမှာတုန်းက စကားတောင် ပြောတာ မဟုတ်ဘူး။ အဲ့လိုလူကို မင်းက တစ်နေ့လုံး လွမ်းနေသေးတာလား။

“ ဖိုးဖိုး ” ဟူသည့် စကားလုံးအား ဟော်သခင်ကြီး နေ့ရောညပါ သင်ပေးနေခဲ့ပြီးနောက် နောက်ဆုံးမှာတော့ ဒီနေ့ သူ၏ချစ်စဖွယ်မြေးမလေးထံမှ ကြားခဲ့ပြီဖြစ်သည်။