Chapter 108: တစ်စုံတစ်ယောက်အိမ်တွင် တစ်ညတာအိပ်စက်ခြင်း (၃)
ဟော်သခင်ကြီးက ခေါင်းကို ငုံ့ပေးလာသည် " ဘာဖြစ်လို့လဲ? "
" ယီချန်းအဖေက အိမ်မှာမရှိဘူးလား "
" အင်း၊ အိမ်မှာမရှိဘူးလေ "
" သူ့အမေလည်း အိမ်မှာမရှိဘူးလား "
" ဟုတ်တယ်၊ ဘာဖြစ်လို့လဲ "
“ မနက်ဖြန်က ပိတ်ရက်ဆိုတော့ သမီးတို့ မူကြိုကျောင်းကို မသွားရဘူးလေ၊ အဲ့ဒါကြောင့် ယီချန်းကို သမီးတို့အိမ်မှာ ကစားဖို့ ခေါ်ချင်တယ်...ဘာပဲဖြစ်ဖြစ် သူ့မိဘတွေက အိမ်မှာမရှိဘူး၊ ပြီးတော့ သူ့အဘိုးလည်း ကောင်းကောင်းအနားယူသင့်တယ်လေ...သူက အိမ်မှာ တစ်ယောက်တည်းဖြစ်နေတာက အရမ်းပျင်းဖို့ကောင်းလိမ့်မယ် ”
ဟော်သခင်ကြီးက ပြုံးလိုက်သည် " မင်းလေးက ယီချန်းကို အိမ်မှာ ကစားဖို့ ခေါ်ချင်တာလား "
“ ဟုတ်ကဲ့ ”
" ဒါဆို ယီချန်း ဘိုးဘိုးတို့အိမ်ကို လာချင်လားဆိုတာ သူ့ကို မင်း မေးရမယ် "
ဟော်ရှောင်းရှောင်းက ယီချန်းကို ကြည့်လိုက်သည် “ ယီချန်း၊ ငါ့အိမ်ကို နင့်ကို ခေါ်ချင်တယ်...နင် လာချင်လား ”
ယီချန်းက ဟော်ရှောင်းရှောင်း သူ့အား သူမအိမ်သို့ ခေါ်မည်ကို မမျှော်လင့်ထားသည်မှာ သိသာသည်။ သူ တကယ်သွားချင်သော်လည်း သူ့ဘာသာသူ ဆုံးဖြတ်ချက်မချနိုင်ပေ။
" ငါ လာချင်တယ်၊ ဒါပေမယ့် ဘိုးဘိုးကို အရင်မေးရမယ် "
ဟော်သခင်ကြီးက အဘိုးကြီးချန်းကို ကြည့်လိုက်သည်။
အဘိုးကြီးချန်းက ပြုံးလိုက်သည် " ကျွန်တော် ဘာမှမပြောနိုင်ပါဘူး၊ ဒါပေမယ့် သခင်လေးက သွားချင်တယ်ဆိုတော့ ကျွန်တော် သခင်ကြီးကို ဖုန်းဆက်ပြီး မေးလိုက်ပါ့မယ် "
“ ကောင်းပြီလေ ”
" ခဏလောက်စောင့်ပေးပါ " စကားပြောပြီးနောက် အဘိုးကြီးချန်းက ဖုန်းခေါ်ဖို့ လှည့်လိုက်သည်။
ယီချန်းက တိတ်တဆိတ် ရောက်လာသည် " ဟော်ရှောင်းရှောင်း၊ မင်းကို အရင်တစ်ခေါက်က ငါ ပေးထားတဲ့ သကြားလုံးကို မင်း စားပြီးပြီလား...ငါ နည်းနည်းထပ်ယူလာတယ်၊ မင်း လိုချင်လား? "
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
