Chapter 24: ငါ့သမီးက မင်းကို မကြိုက်တာကို မမြင်နိုင်ဘူးလား (၂)
ဟော်ဆွေ့ချန်း ဟော်ရှောင်းရှောင်းကို တစ်ချက်ကြည့်လိုက်သည်။ ဟော်ရှောင်းရှောင်း ကြောက်ရွံ့လာသောကြောင့် သူမ၏ကျောမှ ချွေးအေးများ ထွက်လာကာ ရုတ်တရက် ကြည့်လိုက်သည်။ ဟော်ဆွေ့ချန်းက နောက်တစ်စက္ကန့်တွင် သူမသည်အိပ်ရာခင်းကို စိုစေခဲ့သည်ကို ကြေညာလိမ့်မည်ဟု သူမ အမြဲတမ်း ခံစားနေရသည်။
“ မဟုတ်ဘူး ” ဟော်ဆွေ့ချန်းက ဟော်ရှောင်းရှောင်းကို ကြည့်ပြီး ခဏလောက် စကားမပြောခဲ့ပေ။ အချိန်အတော်ကြာမြင့်ပြီးနောက် သူက “ ရှောင်းရှောင်းက မနေ့ညက ကျွန်တော့်အိပ်ရာထဲမှာ— ” ဟု ပြောလိုက်သည်။
“ ဖေဖေ၊ ဖေဖေ ” ဟော်ရှောင်းရှောင်း ပေါက်ကွဲကာ ဟော်ဆွေ့ချန်းကို ရုတ်တရက် ဝင်နှောင့်ယှက်လိုက်တော့သည်။
သူမ သိနေတယ်. . .
သူမရဲ့သဘောထားကျဉ်းမြောင်းတဲ့ ဖေဖေက မနေ့ညက သူမက အိပ်ရာခင်းကိုစိုစေတဲ့အကြောင်းကို လူကြားထဲမှာ ဖော်ကောင်လုပ်ကိုလုပ်မှာဆိုတာကို. . .
အဲ့ဒါက စိတ်ဝင်စားဖို့ကောင်းလို့လား???
အဲ့ဒါကို ထုတ်ပြောတာ ဘယ်လိုခံစားရလဲ???
သူက ကလေးလေးတစ်ယောက်ကိုတောင် ချမ်းသာမပေးဘူးလား???
ဟော်ဆွေ့ချန်းက သူ့သမီးကို ဟော်သခင်ကြီးရဲ့လက်မောင်းထဲမှ ဆွဲယူကာ ချန်ပေါ်ကို ပြောလိုက်သည် “ အဲ့ဒါက ဘာမှမဟုတ်ဘူး...ပြောင်းသာပြောင်းလိုက်ပါ ”
“ ဟုတ်ကဲ့ ”
ဟော်ရှောင်းရှောင်း စိတ်သက်သာရာရသွားတော့သည်။
သို့သော်လည်း သူမ အသက်မရှူနိုင်သေးခင်မှာပဲ သူမ၏နားထဲသို့ ဟော်ဆွေ့ချန်း၏တီးတိုးပြောလာသံကို ကြားလိုက်ရသည် “ မနေ့ညက အိပ်ယာ စိုအောင်လုပ်တာ ဘယ်သူလဲတော့ မသိပါဘူး... တကယ်တော့ ရှက်စရာမဟုတ်ပါဘူးကွာ ”
“…”
ဟော်ရှောင်းရှောင်း၏မျက်နှာက အနီရောင်ဖြစ်လာတော့သည်။ သူမ တကယ်ပဲ စကားစစ်ထိုးချင်ပေမယ့်လည်း ကံဆိုးစွာဖြင့် သူမ စကားမပြောနိုင်ခဲ့ပေ။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
