ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )

Chapter 77: ဗီလိန်ဖေဖေ (၃)

Chapter 77: ဗီလိန်ဖေဖေ (၃)

ဤအကြောင်းကို စဉ်းစားခြင်းမှာ သိပ်စိတ်ပူစရာမလိုခဲ့ပေ။

အားရှောင်းသည် တိတ်ဆိတ်စွာပင် နေခဲ့လေသည်။ ' မင်းအရင်တုန်းကရော မစဥ်းစားခဲ့ဘူးလားကွာ '

ပြတင်းပေါက်အပြင်ဘက်ရှိ လရောင်သည် လိုက်ကာမှတစ်ဆင့် ပြတင်းပေါက်ပေါ်တွင် အရိပ်ထင်လျက်ရှိသည်။ လေတိုက်လိုက်သောအခါ အနည်းငယ် ကြောက်စရာဖြစ်လောက်သော အရိပ်များနှင့်အတူ အကိုင်းအခက်များ ယိမ်းယိုင်နေတော့သည်။

ဟော်ရှောင်းရှောင်းသည် စောင်ကိုလှန်လိုက်၍ အိပ်ရာမှထကာ တံခါးကိုဖွင့်လိုက်သည်။ ထို့နောက် သူမသည် ဟော်ဆွေ့ချန်း၏အခန်းသို့  ဦးတည်လိုက်တော့၏။

တံခါးပေါက်မှာ အပြည့်အဝ မပိတ်ထားပေ။ အခန်းအတွင်းရှိ ပါးလွှာသောအလင်းရောင်လေးသည် စင်္ကြံလမ်းပေါ်တွင် ပျံ့ကြဲနေပေသည်။

“ သတ်ပြီး ပင်လယ်ထဲကို ပစ်ချလိုက် ” ဟော်ဆွေ့ချန်း၏အသံသည် တံခါးမှတစ်ဆင့် အပြင်သို့လျှံလာသည်။

ဟော်ရှောင်းရှောင်း၏ ဆန့်တန်းနေသော ခြေထောက်လေးများ တိတ်တဆိတ် နောက်ဆုတ်သွားတော့သည်။

"…" ' အိုး. . . စိတ်အနှောက်အယှက် ဖြစ်သွားရင် ဆောတီးပါဖေဖေ '

နေပါဦး. . .

ဒီမှာ ဘာတွေဖြစ်နေတာလဲဟ??

တစ်ခုခုတော့ မှားနေပြီနော်!!

ဟော်ရှောင်းရှောင်းသည် ရှုပ်ထွေးသော ခံစားချက်များကို ခံစားနေရလေသည်။ သူမ နားကြားမှားတာများလား???

အခု သူမရဲ့ဖေဖေ ပြောလိုက်တဲ့စကားကလေ. . . သတ်??? ဘာဖြစ်တယ် ပင်လယ်ထဲ ပစ်ချ. . .

ဘာကို သတ်မှာလဲ??

ငါးတွေကို သတ်တာလား??

ကြက်တွေကို သတ်တာများလား???

. . . ဒါမှဟုတ် လူတွေကိုပြောတာလား??

' မဟုတ်လောက်ဘူးမလား '

ဟော်ရှောင်းရှောင်း ဆက်လက်နားထောင်နေရန်သာ ဆုံးဖြတ်လိုက်၏။

“ ဒီလို အသေးအဖွဲကိစ္စလေးတွေကိုဘယ်လိုလုပ်ရမယ်ဆိုတာ မင်းကိုသင်ပေးဖို့ လိုနေသေးတာလား ” ဟော်ဆွေ့ချန်း၏အသံသည် အေးစက်နေပြီး တည်ငြိမ်နေသည်မှာ အိမ်တွင်ပုံမှန်အတိုင်း စကားပြောနေသကဲ့သို့ပင်။