Chapter 111: မကျေနပ်ချက် အသစ်များ (၃)
" ဟုတ်ပါပြီ၊ သမီးနဲ့ ယီချန်းအတွက် တစ်စိတ်ချန်ထားပေးမယ် "
ဟော်ရှောင်းရှောင်း၏ မျက်ဝန်းလေးများ တောက်ပသွား၏။ " ကျေးဇူးတင်ပါတယ် အန်တီ!"
အန်တီကျိုးက သူမအပေါ် ကောင်းနေဆဲဖြစ်သည်။
ကိတ်မုန့်လေးကို ပိုင်းပြီးသည့်နောက်တွင် ကိတ်မုန့်သေတ္တာသာ ကျန်နေခဲ့သည်။
ဟော်ရှောင်းရှောင်းက ယီချန်းကို တီးတိုးပြောလိုက်၏။ " ငါ့အန်တီက ငါတို့အတွက် တစ်စိတ်ချန်ပေးထားတယ်၊ ညရောက်ရင် ငါတို့စားလို့ရပြီ "
ဟော်ရှောင်းရှောင်း စကားပြောပြီးသည်နှင့် ဟော်ဆွေ့ချန်းသည် ကိတ်မုန့်တစ်စိတ်နှင့်အတူ မီးဖိုချောင်မှ ထွက်လာသည်ကို သူမမြင်လိုက်ရသည်။ သယ်လာသည့် ကြယ်လေးပုံပါသည့် ကိတ်မုန့်အပိုင်းကလည်း သူမအန်တီကျိုးကို သေချာဖယ်ခိုင်းထားသော အပိုင်းဖြစ်နေသည်။
ဟော်ရှောင်းရှောင်း အံ့သြနဘန်းဖြင့် စစ်ဆေးရန် မီးဖိုချောင်ထဲသို့ အမြန်ပြေးသွားလိုက်သည်။
သေချာတာပေါ့!အန်တီကျိုးကို သူမအတွက်ချန်ခိုင်းထားတဲ့ ကိတ်မုန့်လေးက ပျောက်သွားပြီလေ!
" ဖေဖေ! အဲ့ဒါကို အန်တီက သမီးအတွက် ချန်ပေးထားတာ! "
ဟော်ဆွေ့ချန်းက ဂရုမစိုက်ပေ။ " ကိတ်မုန့်တွေကို အချိန်ကြာကြာထားထားပြီးမှ စားရင် ဗိုက်နာလိမ့်မယ်၊ မင်းလည်းအခုမစားနိုင်သေးတော့ အဖေက ကူစားပေးမလို့လေ "
သူသည် ဟော်ရှောင်းရှောင်းရှေ့တွင်ပင် တစ်ဇွန်းကော်ယူလိုက်ပြီး ပါးစပ်ထဲထည့်လိုက်၏။ " အရမ်း နူးညံ့တာပဲ "
ဟော်ရှောင်းရှောင်း မှောင်မည်းနေသောမျက်နှာနှင့် ဟော်ဆွေ့ချန်းကိုကြည့်လိုက်သည်။
ကလေးတစ်ယောက်ရဲ့ ကိတ်မုန့်ကိုစားပြီးတာတောင် ဒီလောက်မျက်နှာပြောင်တိုက်နိုင် သေးတယ်!!
မနေ့တစ်နေ့ကမှ သူမ မွေးလာတာလို့ ထင်နေတာလား??
'ဒါက ကိတ်မုန့်လေးတစ်ချပ်ပဲလေ!! ဘယ်လို ကိစ္စအကြီးကြီးမို့လို့လဲ??'
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
