Chapter 73: အနိုင်ကျင့်ခြင်း (၃)
" ဥာဏ်ကောင်းလိုက်တဲ့ ကောင်မလေး. . . မင်းကိုကိုကြီးကို သတိရသေးတယ်ပေါ့ "
ချန်ချန့်အမေ၏အသံက" မစ္စတာလု " ဟု အနည်းငယ်လျော့သွားပြီး " သူက ... ရှင့်ရဲ့သမီးလေးလား "
လုပေါ်ယန်က " မဟုတ်ပါဘူး. . . မဟုတ်ပါဘူးဗျာ ကျွန်တော်က ဘယ်လိုလုပ် ဒီလောက်ကြီးတဲ့သမီးကို မွေးထားပါ့မလဲ " ဟုပြောကာ ရယ်နေလေတော့သည်။ ထို့နောက်သူက " ဟော်ကော. . . ဒါဘယ်သူကလေးလဲ??" ဟု အသံကျယ်ကျယ်ဖြင့် အော်မေးလိုက်သည်။
ဟော်ဆွေ့ချန်းသည် ဝိုင်ခွက်တစ်ခွက်နှင့် လူစုလူဝေးထံသို့ရောက်လာပြီး ဟော်ရှောင်းရှောင်းကို ကြည့်လိုက်သည်။ သူ၏နက်ရှိုင်းကာ အေးစက်နေသော အသံကအရင်ထွက်လာသည်။ " ကျွန်တော့်သမီးပါ. . . ဘာဖြစ်လို့လဲ?"
" မစ္စတာဟော်...ဒါ ရှင့်ရဲ့သမီးလား"
" တစ်ခုခု ဖြစ်လို့လား?"
ချန်ချန်၏အမေသည် အနည်းငယ် စိုးရိမ်ပူပန်သွားသည်။
" ဘာဖြစ်နေကြတာလဲ?"
အဆိုပါရုတ်ရုတ်သဲသဲကိစ္စသည် ယီသခင်ကြီး၏အာရုံကို ရရှိသွားပြီး သူသည်အဝေးမှ ထိုလူအုပ်အားကြည့်လိုက်၏။
ယီချန်းက သူ့အဘိုးအား ပြောလိုက်သည်။ " ဘိုးဘိုး. . . သားသွားကြည့်လိုက်ဦးမယ်"
ယီယန်နှင့် ရှုရှင်းယီတို့သည်လည်း သတိထားမိသွားပြီး ထိုလူအနည်းငယ်ကို လှမ်းကြည့်ကာ ပြုံး၍မေးလိုက်သည်။ " ဘာဖြစ်နေကြတာလဲဟင်?"
ချန်ချန်၏အမေက သူမသား၏မျက်နှာကို တို့ထိလိုက်ပြီး " ကိစ္စအကြီးကြီးတော့ မဟုတ်ပါဘူးရှင်။ ကျွန်မသားရဲ့ မျက်နှာလေးကနီရဲနေတော့ သူအနိုင်ကျင့်ခံခဲ့ရတယ်လို့ ကျွန်မထင်သွားခဲ့တာပါ။ ကျွန်မမေးကြည့်လိုက်တော့ မစ္စတာဟော်ရဲ့သမီးက သူ့ပါးကို ဆွဲသွားတာလို့ ပြောလို့ပါ"
ရှုရှင်းယီက ချန်ချန်ကိုကြည့်လိုက်ပြီး မေးလိုက်သည်။ " ချန်ချန်. . . အန်တီ့ကိုပြောပြလေ. . . သားရဲ့မျက်နှာကို ညှစ်တဲ့သူက ရှောင်းရှောင်းလား ??"
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
