Chapter 102: ဖေဖေက ပုံပြင်တစ်ပုဒ် ပြောပြတယ် (၄)
ဟော်ဆွေ့ချန်း အခုတလော အတော်လေးအလုပ်များနေသည်။ လုမင်တောင်ပြဿနာသည် သူ့အား ဖိအားအတော်လေး ပေးနေခဲ့သည်။ စီမံကိန်း ရပ်ဆိုင်းသွားတာကြောင့် ဆုံးရှုံးမှုက နေ့တိုင်း တိုးလာနေသည်။
သူ ရေချိုးပြီး ထွက်လာတော့ သူ့သမီးက သူ့ကုတင်ပေါ်တွင် ရှိနေပြီဖြစ်သည်။ သူ စောင်ကို မလိုက်ပြီး ရှောင်းရှောင်းကို ကြည့်လိုက်၏။ " သမီးဘာလို့မအိပ်သေးတာလဲ...အရမ်းနောက်ကျနေပြီ "
" ဖေဖေ ပြန်လာပြီး သမီးကို ပုံပြင်တစ်ပုဒ် ပြောပြပေးဖို့ စောင့်နေတာ "
" ပုံပြင်တစ်ပုဒ်ပြောပြဖို့လား၊ ပုံမှန်ဆို အန်တီကျိုးက မင်းကို ပြောပြတယ်မဟုတ်လား "
“ ဒါပေမယ့် ဒါက ဆရာမ ပေးလိုက်တဲ့ အိမ်စာလေ...သမီးက ဖေဖေ့ကို ပြောပြစေချင်တာ " ဟော်ရှောင်းရှောင်းက သူ့ကို သကြားလုံးတစ်လုံး ကမ်းပေးလိုက်သည်။ “ ဒီမှာဖေဖေ၊ သကြားလုံးစား ”
" ဘိုးဘိုး ဝယ်ပေးထားတာလား "
“ မဟုတ်ဘူး၊ ယီချန်း သမီးကို ပေးထားတာ. . .သူက တစ်ထုပ်လုံး ၀ယ်ပေးတာ ”
ဟော်ဆွေ့ချန်းက သကြားလုံးကို စားပွဲဘေးမှာ ထားလိုက်သည်။ “ ကလေးတွေက သကြားလုံး နည်းနည်းပဲ စားသင့်တယ် ”
ထို့နောက် သူက အိပ်ရာထဲ ၀င်လာပြီး သူမကို မေးသည်။ “ သမီး ဘယ်ပုံပြင်ကို ကြားချင်လဲ ”
ဟော်ရှောင်းရှောင်းက ဟော်ဆွေ့ချန်းဆီသို့ တွားသွားပြီး သူ့ဆီသို့ တိုးဝှေ့လိုက်သည်။ " ဖေဖေ ပြောသမျှ "
ဟော်ဆွေ့ချန်းက ဟော်ရှောင်းရှောင်းရဲ့ပုံပြင်စာအုပ်ကို ယူကာ လှန်လိုက်သည်။ ဟော်ရှောင်းရှောင်းက သူ့လက်မောင်းကို မှီကာ ပုံပြင်စာအုပ်ကို သိချင်စိတ်ပြင်းပြစွာ ချောင်းကြည့်နေသည်။
" တစ်ခါတုန်းက အလွန်နက်ရှိုင်းတဲ့ ပင်လယ်ရဲ့အောက်ခြေမှာ ရေသူမမင်းသမီးလေး ခြောက်ပါး နေထိုင်ခဲ့တဲ့ ခမ်းနားထည်ဝါတဲ့ ရဲတိုက်ကြီးတစ်ခုရှိတယ်...အငယ်ဆုံးမင်းသမီးလေးက မင်းသားလေးကို ချစ်မိသွားပြီး သူနဲ့ အတူရှိနေနိုင်ဖို့ သူမရဲ့ငါးအမြှီးကို ခြေထောက်အဖြစ် ပြောင်းပေးဖို့ စုန်းမကို တောင်းဆိုခဲ့တယ်... "
BẠN ĐANG ĐỌC
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
Hài hướcGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
