Chapter 135 : ဘိုးဘိုးကို သတိရတယ် (၂)
အသံထွက်ပေါ်လာရာလမ်းကြောင်းကို ဟော်ဆွေ့ချန်း ဦးတည်ကြည့်လိုက်၏။
မီးရောင်မှိန်မှိန်အောက်တွင် မိသားစုသုံးယောက်ထိုင်နေပြီး သဲသဲကွဲကွဲမဟုတ်သော်လည်း ထိုသူတို့၏ မရေရာသောအရိပ်များကို မြင်နိုင်သေးသည်။
သူမ၏စကားများကြောင့် ဟော်ရှောင်းရှောင်းမျက်လုံးများ တောက်ပလာပြီး နောက်ဆုံးတွင်တော့ သူမအသက်ရှင်ရန် မျှော်လင့်ချက်ရောင်ခြည်လေးတစ်မျှင် ဖမ်းမိခဲ့သလိုပင်။ " ကြည့် ဖေဖေ ! တစ်ခြားသူတွေတောင် မြင်ခဲ့တယ်. . . အဲ့ဒါ တကယ်ကို သမီးမဟုတ်ဘူး! " ထိုစကားလုံးများပြောပြီးနောက် သူမဘေးနားရှိလူကိုလည်း အသံကျယ်ကျယ်နှင့် မေးလိုက်သေး၏။ " အန်တီ အန်တီမြင်လိုက်တယ်မလားဟင် "
သူမဘေးရှိ အန်တီ၏အသံသည် အနည်းငယ်တော့ ထူးဆန်းနေ၏။ " ကျွန်မ ကျွန်မ. . . မြင်လိုက်ပါတယ် "
ဟော်ရှောင်းရှောင်းလည်း သူမအဖေကို ဂုဏ်ယူနေသည့်မျက်နှာလေးနှင့် ပြန်ကြည့်လိုက်၏။ "ဖေဖေ အခုတော့ကြားပြီလား. . . သမီး မပစ်ပါဘူးဆို!"
ဟော်ဆွေ့ချန်းက တစ်ဖက်လူကို နက်နက်ရှိုင်းရှိုင်း ကြည့်လိုက်၏။
"ဖေဖေ! သမီးပြောတာ ကြားရဲ့လား?? "
ဟော်ဆွေ့ချန်း ခေါင်းငြိမ့်ပြလိုက်ပြီး ဟော်ရှောင်းရှောင်းကိုချီကာ စကားတစ်ခွန်းမှမပြောဘဲ ထွက်ခွာသွားတော့သည်။
ဟော်ရှောင်းရှောင်းလည်း သူမအဖေ ဘာဖြစ်နေမှန်းမသိပေ။ သူမအဖေ ပွေ့ချီထားသည့်အပေါ်မှပင် သူ့အနောက်ဘက်ရှိ အန်တီအား " အန်တီ၊ ကျေးဇူးတင်ပါတယ်!"
ကလေးဆန်သောအသံလေးထွက်လာပြီး ဘေးအိမ်ရှိအမျိုးသမီးလည်း မနေနိုင်ဘဲမတ်တတ်ရပ်လိုက်မိကာ ထိုလူတွေထွက်ခွာသွားသည့်အတိုင်း လိုက်ကြည့်နေခဲ့သည်။
" ဝမ်ရှင်း ဘာဖြစ်လို့လဲ??"
ကျီဝမ်ရှင်းက ခေါင်းခါပြလိုက်ပြီး ဟော်ဆွေ့ချန်းတို့ သူမအမြင်အောက်မှ မပျောက်သွားမချင်း ဝမ်းနည်းစွာမတ်တပ်ရပ်နေခဲ့သည်။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
