Chapter 84: ဖေဖေ့အတွက် လိပ်လေးတစ်ကောင် ဆွဲပေးမယ် (၁)
“ ရှောင်းရှောင်း မူကြိုကျောင်း သွားတာနဲ့ပတ်သက်ပြီး ကျွန်တော်ပဲ သူ့ကို ရွေးခိုင်းလိုက်တော့မယ် ”
“ ကလေးက ငယ်ငယ်လေးပဲရှိတယ်၊ သူ့အတွက် ဘာက အကောင်းဆုံးလဲကို ဘယ်လိုလုပ်နားလည်ဦးမှာလဲ ” ဟော်ဆွေ့ချန်း ဟော်ရှောင်းရှောင်းကို ချီရန် ခေါင်းငုံ့လိုက်သည်။ သို့သော်လည်း သူမ တုန်လှုပ်သွားပြီး ခြေတစ်လှမ်း နောက်ပြန်ဆုတ်လိုက်၏။
ဟော်ဆွေ့ချန်း သူ့မျက်ခုံးကို ပင့်ကာ သူ့သမီးကို သူ့လက်နှစ်ဖက်ဖြင့် ချက်ချင်း ကောက်ချီလိုက်သည်။
“ အဖေ၊ ရှောင်းရှောင်းနဲ့ ကျွန်တော် မူကြိုကျောင်းကိစ္စအကြောင်း ပြောလိုက်မယ်...ကျွန်တော် သူ့ကို ခဏနေ ပြန်ခေါ်လာခဲ့မယ် ”
ဟော်သခင်ကြီးက ဟော်ဆွေ့ချန်း လူဆိုးဖြစ်တော့မည်ဟု ခံစားနေရသည်။ “ သွား၊ သွား. . . ကလေးနဲ့ စကားပြောလိုက်ပေါ့ "
ဟော်ရှောင်းရှောင်း ထိတ်လန့်သွားသည်။ သူမကို သင်ခန်းစာပေးရန် သူမအဘိုး၏အကြည့်အောက်မှ အဝေးသို့ ခေါ်သွားနေသည့်ပုံပင်။
“ ဘိုးဘိုး ”
ဟော်ဆွေ့ချန်း တီးတိုးပြောလိုက်သည်။ “ မအော်နဲ့ ”
ဟော်ရှောင်းရှောင်း သူမပါးစပ်ကို ပိတ်ထားလိုက်သည်။ သူမသည် အပေါ်ထပ်အခန်းသို့ ဟော်ဆွေ့ချန်း၏ခေါ်ဆောင်သွားခြင်းကို ခံရသည်။
တံခါးပိတ်လိုက်သည်နှင့် အခန်းထဲတွင် အဖေနှင့် သမီးသာရှိနေတော့သည်။
ဟော်ရှောင်းရှောင်း အသက်ပြင်းပြင်းရှူလိုက်သည်။
' မလန့်နဲ့၊ နေဦး၊ ပြဿနာက မကြီးဘူး '
“ ဖေဖေ… ”
ဟော်ဆွေ့ချန်း သူ့ရှပ်အင်္ကျီကို ဖြန့်လိုက်ပြီး နောက်ကျောဘက်ရှိ လိပ်ကို သူမကို ပြလိုက်သည်။
“ ဒါက မင်း ဆွဲထားတာလား ”
ဟော်ရှောင်းရှောင်း ရိုးရိုးသားသား ခေါင်းညိတ်လိုက်သည်။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
