Chapter 121 : အဖေတွေအားလုံး အတူတူပဲလား (၃)
" ဂျယ်လီငါးဆိုတာ ဘာလဲ?? " ရေခဲမုန့်က တစ်ဝက်သာကျန်တော့သည်။
ဟော်ဆွေ့ချန်း သူမအားတစ်ချက်ကြည့်လိုက်ပြီး သူမပါးစပ်နားမှ ရေခဲမုန့်ကို လုယူလိုက်၏။ " တစ်ဝက်လောက်ပဲ သမီးစားလို့ရမယ် "
သူမပါးစပ်ထဲမှ ရေခဲမုန့်လေး ပျောက်သွားသောအခါ ဟော်ရှောင်းရှောင်း မျက်မှောင်ကြုတ်ပြီး " ဒါပေမယ့် အဲ့ဒါ အလကားဖြစ်သွားမှာပေါ့ " ဟုဆိုသည်။
" အလကား မဖြစ်ပါဘူး " ဟော်ဆွေ့ချန်းသည်တော့ သူမ ညစ်ပတ်အောင်လုပ်ထားလားကိုတောင် မစဥ်းစားသည့်အလား နှစ်ကိုက်မျှကိုက်စားလိုက်၏။ " ဖေဖေပဲ စားလိုက်တော့မယ် "
" ..." ကလေးဆီက မုန့်ကိုလုယူတဲ့ သူမအဖေက တကယ်ကို အရှက်မရှိဘူး!!
ဟော်ရှောင်းရှောင်း ခြေတိုတိုလေးများဖြင့် သူ့ကိုကန်ထုတ်နေ၏။ " အောက်ဆင်းချင်တယ်!"
ဟော်ဆွေ့ချန်းက သူမကိုချပေးလိုက်သည်။
ယီချန်းက သူမဆီ တိတ်တဆိတ်လမ်းလျှောက်လာပြီး တိုးတိုးလေးကပ်ပြော၏။ "စိတ်မဆိုးနဲ့၊ ငါ့ရေခဲမုန့်အားလုံးကို မင်းအတွက် သိမ်းပေးထားတယ်. . . ငါမစားထားဘူး၊ ရော့ ဒီမှာ "
ရာသီဥတုသည် ပူပြင်းလွန်းသဖြင့် ယီချန်း၏လက်ထဲရှိ ရေခဲမုန့်မှ အချွန်လေးသည် ကာတွန်းကားတွေထဲကလို အရည်ပျော်သွားတော့သည်။ လက်ပေါ်တွင်လည်း ရေခဲမုန့်အရည်များ စီးကျနေ၏။
" ယီချန်း နင်က အရမ်းကြင်နာတတ်တာပဲ " ဟော်ရှောင်းရှောင်း ဟော်ဆွေ့ချန်းအား မော့ကြည့်လိုက်ကာ သူမအဖေ ဂရုမပြုမိသေးမှီ ယီချန်းလက်ထဲရှိ ရေခဲမုန့်ကို နှစ်ကိုက်မျှကိုက်စားလိုက်၏။
ဟော်ဆွေ့ချန်း သူမကိုကြည့်လိုက်စဥ် ပါးစပ်နားရှိ ချောကလက်အစွန်းအထင်းများကို သတိပြုမိသွားသည်။
သူမဒေါသထွက်နေသော်လည်း သူမရဲ့လုပ်ရပ်တွေကြောင့် ပျော်နေမိသေးသည်။
" ဟော်ရှောင်းရှောင်း. . . မင်းလေး အစာခိုးစားပြီးရင်လည်း ကိုယ့်ပါးစပ်ကိုယ် သန့်ရှင်းရေးလုပ်ဦး "
VOUS LISEZ
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
ComédieGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
