Chapter 131 : မီးရှူးမီးပန်း မတော်တဆမှု (၁)
ကြက်ကြော်များက သူမလည်ချောင်းထဲတွင် ကပ်နေသလိုခံစားနေရကာ ပိုကြောက်စရာကောင်းသည့်အချက်မှာတော့ အားလုံးကို သူမ မအန်ထုတ်နိုင်ဘဲ ပါးစပ်တစ်ခုလုံး ကြက်ကြော်အရသာများနှင့် ပြည့်နေခြင်းဖြစ်သည်။
သို့သော် သူမအဖေမျက်လုံးထဲရှိ သံသယဖြစ်နေသော အကြည့်များကို မြင်လိုက်ရစဥ် သူမအပိုတွေပြောနေသည်ဟု ထိုသူထင်သွားမည်ကို စိုးရိမ်သွား၏။ သူမဖေဖေက သူမကိုတစိလေးတောင် မယုံဘူး!
"တကယ်ပါဆို! ဖေဖေ ဒီမှာကြည့်. . . အရမ်းပူနေတယ် " သူမသည် ဟော်ဆွေ့ချန်းလက်ကို ဖမ်းဆွဲလိုက်ပြီး သူ့မဗိုက်သေးသေးလေးပေါ် တင်ပေးလိုက်၏။
ကလေးငယ်များတွင် ယေဘုယျအားဖြင့် ဗိုက်သေးသေးသာ ရှိကြသည်။ ထိုဗိုက်လေးသည် ဂျယ်လီတုံးကဲ့သို့ ပျော့ပျောင်းကာ လုံးလုံးတစ်တစ်လေး ဖြစ်၏။
"သမီးဗိုက်က အမြဲဒီလောက်ပူပူလေးပဲလေ"
" ..." သူမဖေဖေ တစ်ကယ်ကိုမသိတာပဲ!
"ဒါဆို ဒီမှာအနံ့ခံကြည့်! အာ. . . ဒီမှာ ကြက်ကြော်နံ့တွေချည်းပဲ!" သူမလည်ချောင်းကိုညွှန်ပြကာ ပါးစပ်အကျယ်ကြီးဟပြနေလိုက်သည်။
ကြက်ကြော်နံ့ကို အနံ့ရမိသောအခါ ဟော်ဆွေ့ချန်း မျက်မှောင်ကြုတ်လိုက်၏။
" တွေ့ပြီလား၊ ကြက်ကြော်အနံ့!" ဟော်ရှောင်းရှောင်း သူမပါးစပ်ကို ကျယ်ကျယ်ဟထားကာ စူပုတ်ပုတ်မျက်နှာထားဖြင့် သူမခေါင်းကို ရှေ့တိုးပြနေခဲ့သည်။
ဟော်ဆွေ့ချန်း သူ့သမီးပါးစပ်ကို လက်ဖြင့်ပိတ်လိုက်ပြီး သူမကိုကြည့်ကာ ပြောလိုက်၏။ " နောက်ဆို ဒီလောက်လောဘကြီးဖို့ သတ္တိရှိသေးလား "
ဟော်ရှောင်းရှောင်းလည်း ခေါင်းခါပြလိုက်သည်။
ဟော်ဆွေ့ချန်း သူမကိုကောက်ချီလိုက်ပြီး နံရံထောင့်၌ မတ်တပ်ရပ်ခိုင်းထားလိုက်သည်။ " အစာကြေဖို့ ဒီနေရာမှာမတ်တပ်ရပ်နေလိုက် "
ထို့နောက် သူသည်တော့ တံခါးဆီသို့ လမ်းလျှောက်သွားတော့သည်။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
