ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )

Chapter 113: ချွဲအီတတ်ရမယ် (၂)

Chapter 113: ချွဲအီတတ်ရမယ် (၂)

'ဖေဖေက ငါ့တောင်းပန်မှုကိုလက်မခံရင် ဘာလိုလုပ်မလဲ '

သူမကို မျက်စိစပါးမွှေးစူးနေတာ တော်တော်ကြာနေပြီဖြစ်တဲ့ သူမအဖေက ဒီအခွင့်အရေးကိုယူပြီး သူမကိုဆော်ပလော်တီးရင်ကော??

သူမ သာလုပ်သင့်လဲ??

သူမ ကြိုတင်စီစဉ်ရမယ်!

အဘိုးကို ရှာရမှာလား??

မဟုတ်ဘူး၊ ဒါက ရောဂါလက္ခဏာကိုသာမက အမြစ်ပါမကျန် ကုသပေးမှာ၊ အရင်းအမြစ်က သူမအဖေမှာရှိသည်။

ယီချန်းက " မင်းက တော်တော်ကောင်းကောင်းကို သရုပ်ဆောင်နိုင်တာပဲလေ "

ဒီတစ်ခါတော့ ဟော်ရှောင်းရှောင်းက  သူ့ကို မျက်လုံးပြူးလေးနဲ့ ကြည့်နေ၏။

" ငါ့အဖေ ငါ့ကိုရိုက်ပြီးတဲ့အချိန်ဆို ငါ့အမေက ငါ့အဖေကိုချွဲဖို့ ပြောတယ်၊ အ့ဆို သူငါ့ကိုမရိုက်တော့ဘူး၊ ဒါပေမယ့် အဲ့ဒါမျိုးက မင်းတို့မိန်းကလေးတွေနဲ့ ပိုလိုက်ဖက်မယ်ထင်တယ် "

ချွဲအီပြီး သရုပ်ဆောင်ရမယ်တဲ့လား??

ဟော်ရှောင်းရှောင်း၏စိတ်ထဲတွင်တော့ သူမသည် သူမခန္ဓာကိုယ်ကို တွန့်လိမ်နေကာ ဟော်ဆွေ့ချန်းခြေထောက်ကို ပွေ့ဖက်လိုက်ကာ သူမနှုတ်ခမ်းကို တမင်တကာ စူပြီး လည်ချောင်းထဲကအသံညှစ်ထုတ်ပြီး သူမအဖေ့ကို ခေါ်လိုက်သည်။ သူမတစ်ကိုယ်လုံးအနှံ့ ကြက်သီးမွှေးညှင်းများ တစ်ပြိုင်နက်တည်းထသွား၏။

လာနောက်နေတာလား?? သူမရဲ့ အရင်လုပ်ရပ်တွေ ပျက်စီးသွားပြီလား??

သူမသာ ယနေ့ ဟော်ဆွေ့ချန်းဆီ၌ အသတ်ခံရလျှင်တောင် ဘယ်သောအခါမှ ချွဲသည့်အပြုအမူမျိုး ပြုမူမည်မဟုတ်ချေ။

" အဲဒါကို စဥ်းတောင်မစဉ်းစားနဲ့! ငါအဖေ့ဆီသွားပြီး တောင်းပန်လိုက်မယ် "

ဟော်ရှောင်းရှောင်း ထရပ်ကာ အောက်ထပ်သို့ဆင်းလာခဲ့သည်။

ယီချန်းလည်း အနည်းငယ်စိတ်ပူသွားပြီး သူနှင့်အတူလိုက်ပါလာသည်။

ဟော်ဆွေ့ချန်းနှင့် ဟော်သခင်ကြီးတို့သည် ဆိုဖာပေါ်တွင်ထိုင်နေကာ နေ့စဉ်ဘ၀အကြောင်းကို အေးအေးလူလူ စကားပြောနေကြသည်။ သူမအဖေက ညစာစားပွဲမှာ အများကြီးမစားဘူးလို့ သူမ ထင်မိတာကြောင့် ဟော်ရှောင်းရှောင်း ယီချန်းရဲ့ပါးစပ်ကိုအုပ်လိုက်ကာ မီးဖိုချောင်ထဲကို အမြန်ဆွဲခေါ်သွားလေသည်။