Chapter 97: မေမေ မလိုချင်ဘူး! (၁)
ဟော်ရှောင်းရှောင်း အိမ်ပြန်ရောက်လာသောအခါ မူကြိုတွင် ဖြစ်ပျက်ခဲ့သည့်အရာကို စိတ်လှုပ်ရှားသောအသံအပြင် ကွက်ကွက်ကွင်းကွင်းမြင်သာသော အသုံးအနှုန်းများဖြင့် ဟော်သခင်ကြီးကို ပြန်ပြောပြခဲ့သည်။
သူမမြေပေါ်သို့ တွန်းချခံရသည့်အခြေအနေကိုလည်း မပြောဘဲမနေနိုင်ပေ။
“ ဘိုးဘိုး၊ အဲ့ဒီကလေးတွေက အရမ်းဆိုးပြီး မာနလည်းကြီးကြတယ်. . . သူတို့က…သမီးလက်ကို ဒီလိုဆွဲလိုက်ပြီး မြေကြီးပေါ် တွန်းချပစ်လိုက်တာဆိုနေ ”
ဟော်သခင်ကြီးက အစပိုင်းတွင် စိတ်အားထက်သန်စွာ နားထောင်နေခဲ့သော်လည်း ရှောင်းရှောင်းကျောင်းတွင် အနိုင်ကျင့်ခံရသည်ကို ကြားလိုက်ရသောအခါ သူ့နှလုံးသားထံမှ နာကျင်မှုကို ခံစားလိုက်ရ၏။ ကလေးကို သူ့ရှေ့ဆွဲခေါ်လိုက်ပြီး ဂရုတစိုက်နဲ့ အပေါ်အောက် ကြည့်လိုက်သည်။
" သမီးကို မြေကြီးပေါ်တွန်းချပစ်လိုက်တာလား? သမီး နာနေသေးလား? "
ဟော်ရှောင်းရှောင်း ခေါင်းခါပြလိုက်ပြီး သူမ၏ဖြူဖွေးနူးညံ့နေသော လက်ဖဝါးလေးများကို ဖြန့်ပြလိုက်သည်။ “ မဟုတ်ပါဘူး. . . မြေကြီးက သဲတွေနဲ့ ပြည့်နေတာလေ. . . သမီးမနာပါဘူး၊ လက်တွေလည်း ဘာမှမဖြစ်ဘူး "
“ ဟုတ်ပါပြီ နောက်တစ်ကြိမ် တစ်ယောက်ယောက်က သမီးကို ဒီလိုအနိုင်ကျင့်လာရင် သမီးရဲ့ဆရာကို ပြောပြသင့်တယ်နော်. . . သမီးက ငယ်သေးတယ်၊ ဒါကြောင့် သမီးပဲပိုခံရမှာ ”
ဟော်သခင်ကြီး အလွန်စိတ်ဆိုးနေခဲ့သည်။
မူကြိုတွင် ဟော်ရှောင်းရှောင်းသည် အသက်အငယ်ဆုံး ဖြစ်ကောင်းဖြစ်နိုင်ပြီး သူမ၏ အသက်အရွယ်ကြောင့် အလွယ်တကူအနိုင်ကျင့်ခံရနိုင်သည်။ သူ့ခန္ဓာကိုယ်၏ ဆိုးရွားသော အခြေအနေကြောင့်သာမဟုတ်လျှင် မူကြိုသို့ ဤမျှလောက် စောစောပို့ဖြစ်ရန် သူဘယ်တုန်းကမှ သဘောတူလိမ့်မည်မဟုတ်ပေ။
" ဟုတ်ကဲ့ သမီးသိပါတယ်! ပြီးတော့… ယီချန်းနဲ့ သူ့သူငယ်ချင်းတွေကလေ အဲ့ဒီ့ဗီလိန်သေးသေးလေးတွေကို ရိုက်နှက်ပြီး သူတို့ငိုအောင် လုပ်ခဲ့တာ "
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
