Chapter 81: ဟော်ရှောင်းရှောင်း၏ Comeback (၂)
“ အမ်?”
" သမီး အိမ်မှာ ဖေဖေနဲ့နှစ်ရက်လောက် နေချင်တယ်လို့ "
" ခွေးပေါက်လေး. . . မင်းရဲ့အဘိုးနဲ့ မနေချင်တော့ဘူးလား??"
ဟော်ရှောင်းရှောင်း ရှုပ်ထွေးစွာဖြင့်ပြောလိုက်သည်။ “ ဘိုးဘိုးက သမီးကို မူကြိုကိုပို့ချင်တာလို့ ဖေဖေကပြောတယ်။ ဘိုးဘိုးက … ရှောင်းရှောင်းနဲ့ မကစားချင်ဘူးလားဟင် ”
ဟော်ရှောင်းရှောင်း၏ စကားကိုကြားသောအခါ ဟော်သခင်ကြီးသည် ဟော်ဆွေ့ချန်းကိုကြည့်လိုက်ပြီး ဇွန်းကို စားပွဲပေါ်သို့ တင်လိုက်သည်။
" ဟမ့်! "
" . . . . " ဟော်ဆွေ့ချန်းလည်း သူ့သမီး၏ စကားလုံးများကို ကြားပြီးနောက် မိမိလက်ထဲရှိ ပေါင်မုန့်ကို ချထားလိုက်တော့သည်။ ထို့နောက် သူလည်း စားပြီးနေပြီဖြစ်သောကြောင့် " ကျွန်တော် ဝပြီ. . . ကုမ္ပဏီမှာလည်း အလုပ်တွေ အများကြီးရှိတယ်. . . ဒါကြောင့် ကျွန်တော်အရင် သွားနှင့်တော့မယ် ”
စကားပြောပြီးနောက် သူသည်ထသွားကာ မြန်မြန်ထွက်ခွာသွားတော့သည်။
“ ဘိုးဘိုး ဖေဖေက…”
" ရှောင်းရှောင်း သမီးအဖေရဲ့ မဟုတ်တဲ့စကားကို နားမထောင်နဲ့. . . သမီးကို မူကြိုပို့ချင်တာ သူပဲ! သမီးရဲ့အဘိုးက သမီးကိုပို့ပါ့မလား?? အဘိုးက မင်းလေးနဲ့ ရက်နည်းနည်းလောက်တောင် တူတူနေချင်သေးတယ် "
ဟော်ရှောင်းရှောင်း မျက်တောင်ခတ်ပြီး ခေါင်းညိတ်ပြလိုက်သည်။
————
ဟော်အုပ်စု. . . ဥက္ကဌရုံးခန်း။
လုမင်တောင်အောက်တွင် သင်္ဂြိုဟ်ခဲ့သော ရှေးဟောင်းသင်္ချိုင်းဂူများ ရှိနေနိုင်သောကြောင့် ရှေးဟောင်းသုတေသန ပညာရှင်များအဖွဲ့က အတည်ပြုခြင်းမပြုမီ စီမံကိန်းကို ဆိုင်းငံ့ထားရသည်။
သို့သော် စီမံကိန်းကို တစ်ရက်နှောင့်နှေးစေခဲ့ပြီး နောက်ကျလျှင်ပင် ၎င်းသည် ကြီးမားသော ရင်းနှီးမြှုပ်နှံမှုအတွက် ဆုံးရှုံးမှုများ ဖြစ်လာလိမ့်ပေမည်။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
