Chapter 136: ဘိုးဘိုးကို သတိရတယ် (၃)
ဟော်ရှောင်းရှောင်း တိုးတိုးလေးပြောလိုက်သည်။ " ဖေဖေ့ဆီက သင်ယူထားတာလေ "
" ဟော်ရှောင်းရှောင်း "
" ဆရာမက ပြောတယ်၊ မရိုက်ရက် ကလေးပျက်တဲ့ "
" မရိုက်ရက် ကလေးပျက်တဲ့လား?? " ဟော်ဆွေ့ချန်းက ချက်ချင်း ပြုံးလာလေသည်။ " ဒါကလည်း မင်းရဲ့ဆရာမ သင်ပေးတာပဲလား??မင်း အဲ့ဒါကို ကောင်းကောင်းမှတ်မိတဲ့အထိ တကယ် ဥာဏ်ကောင်းတာပဲ. . . ဒါဆို မင်းရဲ့ဖေဖေဆီက မကောင်းတဲ့ လှည့်ကွက်တွေကို မင်း သင်ပြီးပြီလား?? ပြီးတော့ တာဝန်ကို ဘယ်လိုရှောင်လွှဲရမလဲဆိုတာကိုလည်း မင်း သင်ပြီးပြီပေါ့ "
ဟိုတယ်အခန်းတံခါးနားရောက်တော့ အန်တီကျိုးက အနောက်မှ ရောက်လာပြီး သူတို့ကို တံခါးဖွင့်ပေးဖို့ သူမကဒ်ကို ဖြတ်လိုက်သည်။
" သခင်လေး.... "
ဟော်ဆွေ့ချန်းသည် အခန်းထဲ ၀င်သွားပြီး ဟော်ရှောင်းရှောင်းကို အောက်ချလိုက်၏။
" အန်တီကျိုး ဒါက အန်တီ့ကိစ္စ မဟုတ်ဘူး။ အန်တီနဲ့ အဖေက အိမ်မှာ သူ့ကို အရမ်းအလိုလိုက်ထားကြတာ "
သူ ပြောတာကို ကြားတဲ့နောက်မှာတော့ အန်တီကျိုးက တစ်ခြားဘာမှထပ်မပြောတော့ပေ။ သူမ ထွက်မသွားမီ ဟော်ရှောင်းရှောင်းအား စိုးရိမ်သောအကြည့်တစ်ချက် ပေးလာသည်။
" ဦးဦးဟော် ဒီနေ့ကိစ္စက... "
" ယီချန်း ဒီနေ့ကိစ္စက မင်းနဲ့မဆိုင်ဘူး။ ဦးလေး မင်းကို အပြစ်မတင်ဘူး၊ မင်းနဲ့ အန်တီကျိုး အခန်းထဲကို ပြန်သွားပြီး အရင်အနားယူသင့်တယ် "
" ဒါပေမယ့်... "
" သွားတော့ "
ယီချန်းက တကယ်တော့ ဦးဦးဟော်ကို အနည်းငယ်ကြောက်ရွံ့နေသည်။ သို့သော်လည်း ဟော်ရှောင်းရှောင်း တစ်ယောက်တည်း ရပ်နေသည်ကို ကြည့်ရင်း သူမ အဆူခံရမှာ စိုးရိမ်တာကြောင့် သူ ထွက်မသွားချင်ပေ။
" ဦးလေး ရှောင်းရှောင်းနဲ့ စကားပြောချင်လို့၊ မင်းက ဒီမှာနေချင်လို့လား "
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
