ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )

Chapter 90: သေစမ်း! မူကြိုကျောင်းမှာ ရန်ပွဲအကြီးစားတစ်ခု!(၁)

Chapter 90: သေစမ်း! မူကြိုကျောင်းမှာ ရန်ပွဲအကြီးစားတစ်ခု!(၁)

ရိုးရိုးသားသားပြောရပါက
ရှုမန်ယင်သည် လှပပြီး၊ ပညာရေးမြင့်မားကာ ပုံရိပ်ကောင်းရှိသည်။ သူမက အမြဲမာနကြီးပြီး အထက်စီးဆန်သော်လည်း မရေမတွက်နိုင်သောအမျိုးသားများက သူမကို သဘောကျကြသည်။

သူမ ဟော်အိမ်တော်ကို ပထမဆုံးစရောက်ချိန်မှာပဲ သူမက ဟော်မိသားစု၏ချမ်းသာကြွယ်ဝမှုနှင့်
သြဇာလွှမ်းမိုးမှုတို့အပြင် လက်ဖွာမှုကိုပါ မြင်ခဲ့ရသည်။ ဟော်မိသားစု၏အပတ်တကုတ် ကြိုးစားအားထုတ်မှုနှင့် ငွေအင်အားများကို ကလေးတစ်ဦးအပေါ် သုံးစွဲသည်ကိုလည်း သူမ မျက်မြင်တွေ့ခဲ့ရသည်။ ဟော်ဆွေ့ချန်းနှင့်တွေ့ဆုံပြီးနောက် ဟော်ဆွေ့ချန်းမှလွဲ၍ ကမ္ဘာပေါ်ရှိ ဘယ်ယောကျာ်းကမှ သူမနဲ့ မထိုက်တန်ဟု သူမ ခံစားလိုက်ရသည်။

ဒါ့အပြင် ဟော်ဆွေ့ချန်းဘေးတွင် မိန်းမတစ်ယောက်မှ မရှိပေ။ အထူးချွန်ဆုံး အမျိုးသမီးသည် သူမသာဖြစ်သည်။ တစ်နေ့တွင် ဟော်ဆွေ့ချန်းက သူမကို စိတ်ဝင်စားလာလိမ့်မယ်လို့ သူမ ယုံကြည်ခဲ့သည်။

သူမ ဟော်ရှောင်းရှောင်းကို သူမဘက်ပါအောင် သိမ်းသွင်းနိုင်ပြီး သူမကို သဘောကျပြီး အားကိုးလာအောင် လုပ်နိုင်သရွေ့ မစ္စဟော်နေရာက သူမအပိုင်ဖြစ်ဖို့ သေချာနေခဲ့သည်။

သူမ ဟော်ရှောင်းရှောင်းကို တစ်နှစ်နီးပါး ဂရုစိုက်ခဲ့ရပြီး ထိုအချိန်အတွင်း ဟော်ဆွေ့ချန်းသည် နိုင်ငံခြားတွင် နေထိုင်ခဲ့သည်။ ကံမကောင်းစွာဖြင့် သူမ ဟော်ရှောင်းရှောင်းကို သူမဘက်ပါအောင် မသိမ်းသွင်းနိုင်ခဲ့သလို ဟော်ဆွေ့ချန်း အိမ်သို့ပြန်လာပြီး နောက်နေ့တွင် သူမကို ဖြုတ်ပစ်ခဲ့သည်။

သူမစိတ်ထဲ ထိတ်လန့်နေသော်လည်း ရှုမန်ယင် ဦးနှောက်ခြောက်နေခဲ့သည်။

သူမ ဟော်ရှောင်းရှောင်းကို ဂရုစိုက်ပေးဖို့ အတတ်နိုင်ဆုံး ကြိုးစားခဲ့၏။ သူမရှေ့တွင် သူမ အမြဲတမ်းစိတ်ရှည်ပြီး နူးညံ့သိမ်မွေ့ပြသည်။ ဟော်ရှောင်းရှောင်း၏ အမေမရှိခြင်းကို ဖြည့်ဆည်းပေးဖို့ သူမ ရှိနေခြင်းသည် သူမအတွက်လုံလောက်သည်ဟုပင် သူမထင်ခဲ့သည်။