ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )

Chapter 123 : အဖေတွေအားလုံး အတူတူပဲလား (၅)

Chapter 123 : အဖေတွေအားလုံး အတူတူပဲလား (၅)

၀န်ထမ်းက ပြုံးပြလိုက်ပြီး " ကလေးတွေ ဒါဆို ရေသူမပုံပြင်ကို ကြားဖူးကြလား "

" ဖေဖေက သမီးကို အရင်တုန်းက ပြောပြဖူးတယ်" ဟော်ရှောင်းရှောင်းသည် ယီချန်းဘက်သို့လှည့်ကာ " ယီချန်း. . . နင် ရေသူမလေးပုံပြင်ကို ကြားဖူးလား "

" ဟင့်အင်း "

" ဖေဖေ ငါ့ကိုပြောပြဖူးတယ်၊ နင်နားထောင်ချင်လား?? ငါနင့်ကို ပြောပြမယ်လေ "

" ကောင်းပြီ "

ဟော်ရှောင်းရှောင်း လည်ချောင်းအရင်ရှင်းလိုက်၏။ " ဟိုးရှေးရှေးတုန်းက ပင်လယ်ကြီးအောက်ခြေမှာ ရေသူမလေးခုနစ်ကောင် နေထိုင်ခဲ့ကြတယ်၊ အငယ်ဆုံး ရေသူမလေးက အလှဆုံးပဲ. . .တစ်နေ့မှာ သူက ကုန်းပေါ်တက်​သွားပြီး မင်းသားတစ်ပါးကို ကယ်တင်ခဲ့တယ် "

ယီချန်းသည်လည်း သူမပုံပြင်ကို ဂရုတစိုက် နားထောင်နေခဲ့၏။

" နောက်ဆုံးတော့ နေမထွက်ခင်မှာ ရေသူမလေးလည်း ပင်လယ်အမြှုပ်လေးအဖြစ် ပြောင်းသွားပြီး ကမ်းခြေမှာ ပျောက်ကွယ်သွားတော့တယ် "

ထိုစကားများကိုကြားပြီးနောက် ယီချန်း၏မျက်နှာသေးသေးလေးမှာ ရှုံ့တွသွား၏။ " ရေသူမလေးက သေသွားပြီလား?? မင်းသားက ဘာလို့ဒီလောက်တောင် ဆိုးရွားရတာလဲ "

"ဟုတ်တယ် သူကတော်တော်ဆိုးတယ်! ရေသူမလေးက အရမ်းသနားစရာကောင်းတယ်၊ မင်းသားကိုကယ်တင်ဖို့ဆိုပြီး သူချစ်တဲ့အစ်မတွေ စုန်းမကြီးဆီကယူလာပေးတဲ့ သူ့အသံ၊ အမြီးနဲ့ ဆံပင်တွေကိုလည်း ဆုံးရှုံးခံခဲ့တယ်။ မင်းသားကို ထိခိုက်မိမှာထက် အမြှုပ်ထဲကိုပျောက်ကွယ်သွားရတာကို ပိုနှစ်သက်တယ်၊ အနာဂတ်မှာ အဲ့ဒီ့ရေသူမလေးလို တစ်ခြားသူတွေအတွက် ငါ့ကိုယ်ငါ နာကျင်အောင်မလုပ်နိုင်ဘူး " ထို့နောက် သူမအဖေကို တစ်ချက်လှည့်ကြည့်လိုက်ပြီး " ဖေဖေ သမီးပြောတာ မှန်ရဲ့လား??"

" မှန်တယ် "

ယီချန်းက မျက်မှောင်ကြုတ်လိုက်ပြီး အနည်းငယ်လည်း ရှုပ်ထွေးသွားပုံရသည်။ " ဒါပေမယ့်၊ ရေသူမလေးရဲ့အဖေက ဘယ်မှာလဲ?? ရေသူမလေးရဲ့အစ်မတွေက သူတို့ရဲ့လှပတဲ့ဆံပင်တွေကို စုန်းမကြီးဆီပေးခဲ့တယ်၊ ရေသူမလေးရဲ့အဖေကရော ဘာ​လို့မကူညီရတာလဲ?? ရေသူမလေးရဲ့အဖေက သူ့ကို မချစ်တာများလား "