Chapter 141: သူမနှင့် တွေ့ဆုံခြင်း (၂)
ဟော်ရှောင်းရှောင်း၏ ချီးကျူးစကားကို လက်ခံရရှိပြီးနောက် ကျိုးကျိုးသည် ရှက်ကိုးရှက်ကန်းဖြင့် " မင်း...မင်းသဘောကျသရွေ့၊ မင်းကြိုက်ရင် ငါနောက်လည်း မင်းအတွက်ဝယ်လာပေးမယ် "
စာသင်ခန်းမှ အခြားကလေးများသည် ချောကလက်ရနံ့ဖြင့် ဆွဲဆောင်ခံလိုက်ရကာ အတူတကွ စုဝေးလာကြသည်။
" အိုး !ချောကလက် လှလှလေးပဲ! "
" ရှောင်းရှောင်း ဒါနင့်ဟာလား?? ဘယ်က ဝယ်တာလဲ??အရသာရှိလား?? မြည်းကြည့်လို့ ရမလား?? "
" အရသာရှိတယ်၊ ဒါပေမယ့် ကျိုးကျိုးက ငါ့ကိုပေးထားတာ "
" ကျိုးကျိုး ငါတို့ရော တစ်ခုရနိုင်မလား??"
ကျိုးကျိုးသည် အခြားကလေးများအား မပေးလိုဘဲ ဟော်ရှောင်းရှောင်းအတွက်သာ ယူခဲ့သောကြောင့်ဖြစ်သည်။
ဒါပေမယ့် သူတစ်ခြားကလေးတွေကို မပေးဘူးဆိုရင်လည်း သူကအရမ်းတွန့်တိုတတ်သလို ဖြစ်သွားလိမ့်မယ်. . .
ကောင်လေးတွေက အရမ်းမတွန့်တိုရဘူးလို့ သူ့အမေက ပြောထားခဲ့သည်ပင်။
ထိုအခြေအနေကြောင့် သူ အလွန် စိတ်ညစ်နေရ၏။
ကျိုးကျိုးဘေးရှိ ကလေးနှစ်ယောက်က " ဒီဟာကို ရှောင်းရှောင်းအတွက် ကျိုးကျိုးပေးထားတာ၊ ရှောင်းရှောင်းတစ်ယောက်ပဲ စားလို့ရမယ် "
"ဟုတ်တယ် ရှောင်းရှောင်းတစ်ယောက်ပဲ စားလို့ရတယ်၊ မင်းတို့ မစားရဘူး! "
"?? ဘာလို့ ရှောင်းရှောင်းတစ်ယောက်ပဲ စားလို့ရတာလဲ "
" အိုး!" ထူးထူးခြားခြား ကလေးတစ်ယောက်က သူတို့နှစ်ယောက်လုံးကိုကြည့်ပြီး ပြောလာ၏။ " ငါသိတယ်! ကျိုးကျိုးက ရှောင်းရှောင်းကိုကြိုက်နေတာဖြစ်မယ် "
"ဖြစ်ရမယ်! ကြည့်ပါလား. . . ကျိုးကျိုးမျက်နှာ နီတောင်သွားပြီ "
ကလေးများသည် တစ်ခုခုပြောရန် အများကြီးမစဉ်းစားကြသဖြင့် အားလုံးကရယ်မောပြီး လက်ခုပ်ဝိုင်းတီးကာ " ကျိုးကျိုးက ဟော်ရှောင်းရှောင်းကို ကြိုက်နေတယ်!"
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
