Chapter 146: ဖေဖေ သမီးမှာဘာလို့ မေမေမရှိတာလဲ (၂)
စိတ်ပိုင်းဖြတ်ထားပုံရသည့် ဟော်ရှောင်းရှောင်းက ဇွန်းတစ်ချောင်းကို ယူကာ ဝါဂွမ်းကိတ်မုန့်ကို ခပ်စားလိုက်သည်။ နူးညံ့ချိုမြိန်သော အရသာလေးက သူမပါးစပ်ထဲ ပျော်ဝင်သွား၏။
သူမ မျိုချပြီးနောက် အပြစ်ကင်းသောလေသံဖြင့် မေးလိုက်သည်။ " ဖေဖေ၊ သမီးမှာ ဘာလို့မေမေမရှိတာလဲ "
" အဟွတ် အဟွတ် - " ရေသောက်နေသည့် ဟော်ဆွေ့ချန်းသည် အံ့သြသွားပြီး သီးသွားကော ချောင်းဆိုးသံ မထွက်အောင် ခေါင်းငုံ့ကာ မျက်မှောင်ကြုတ်ထားလိုက်ရသည်။
ဒါကို မြင်သည့် တစ်ဖက်မှ စားပွဲထိုးလေးက ရှေ့သို့ ရောက်လာပြီး မေးလာသည်။ " လူကြီးမင်း၊ အကူအညီလိုအပ်ပါသလား ခင်ဗျား "
ဟော်ဆွေ့ချန်းက သူ့လက်ကို ဝှေ့ယမ်းလိုက်သော်လည်း အဆက်မပြတ် ချောင်းဆိုးနေသေးသည်။ ချောင်းဆိုးခြင်းကို ရပ်တန့်ရန် အချိန်အတော်ကြာ ယူခဲ့ရ၏။ ထို့နောက် သူ ဟော်ရှောင်းရှောင်းကို ကြည့်လိုက်ပြီး " သမီးအဲ့ဒါကို ရုတ်တရက်ကြီး ဘာလို့မေးတာလဲ "
ဟော်ရှောင်းရှောင်းသိပ်မဝေးသည့် စားပွဲက အမေနှင့်သမီးကို ညွှန်ပြလိုက်သည်။ " အဲ့ကလေးရဲ့အမေက သူစားဖို့ ကိတ်မုန့််ပေးတယ်၊ဒါပေမယ့် သမီးမှာတော့ ဝယ်ပေးမယ့် မေမေ မရှိဘူး. . . ကျိုးကျိုးက ဒီနေ့ သမီးအတွက် ချောကလက်ယူလာပေးတယ်။ သူ့အမေက သမီးအတွက် ၀ယ်ပေးတာလို့ ကျိုးကျိုးက ပြောတယ်။ ပြီးတော့ အတန်းထဲက ကလေးအများစုမှာလည်း နေ့တိုင်း သူတို့ကို လာကြိုမယ့် သူတို့အမေတွေ ရှိတယ်။ သမီးမှာကျ ဘာလို့မရှိတာလဲ "
" ...... " ဟော်ဆွေ့ချန်း တည်ငြိမ်စွာ ရေတစ်ငုံ သောက်လိုက်သည်။
" ဖေဖေ၊ သမီးမေမေ ဘယ်သွားတာလဲ?? ဖေဖေက သမီးကို မေမေ့အကြောင်း ဘာလို့မပြောပြတာလဲ "
ဟော်ဆွေ့ချန်းက ဖန်ခွက်ကို ချလိုက်ပြီးနောက် ခွက်ကို ထပ်မလိုက်သော်လည်း ရေမကျန်တော့ပေ။
သူ စားပွဲထိုးကို လှမ်းခေါ်လိုက်ပြီး နောက်ထပ်ရေတစ်ခွက် ထပ်တောင်းလိုက်သည်။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
