Chapter 74: အနိုင်ကျင့်ခြင်း (၄)
" သူက သားတို့ရဲ့မျက်နှာတွေကို ဆွဲညှစ်ခဲ့တာလေ!! သားနောက်ဆုံးတစ်ခေါက်တုန်းက တစ်ခြားကောင်မလေးတစ်ယောက်ရဲ့ ပါးလေးကိုသွားဆွဲတုန်းက သားကသူ့ကိုအနိုင်ကျင့်နေတာပဲလို့ အမေပဲပြောခဲ့တာမဟုတ်ဘူးလား?? "
" ... "
" ဒါဆို နင့်မျက်နှာကို ဆွဲညစ်လိုက်တာကို နင် သဘောမတူဘူးဆိုရင် အနိုင်ကျင့်တာပဲ ဒါပေမယ့် နင်...နင့်မျက်နှာကို ဆွဲညစ်ဖို့ သဘောတူရင် နင့်ကို အနိုင်ကျင့်တာ မဟုတ်ဘူး...ဒါကြောင့် ငါက နင့်တို့ကို အနိုင်မကျင့်ခဲ့ဘူး နားလည်လား... နင် ငါ့ကို တောင်းပန်ဖို့ လိုတယ် " ဟော်ရှောင်းရှောင်း ပြန်ရှင်းပြရန် ကြိုးပမ်းလိုက်သည်။
ကောင်လေးများ၏မျက်နှာများ နီလာတော့သည်။
ဤအခြေအနေကြောင့် ကလေးများ၏မိဘများလည်း ရှက်သွားကာ သူတို့မျက်နှာများတွင် ရှက်ရွံ့မှုများဖြင့် ပြည့်နေတော့သည်။ " မစ္စတာဟော် ကျွန်မတို့ တောင်းပန်ပါတယ်... သခင်မလေးဟော်ကို စိတ်မရှည်ဘဲ အပြစ်တင်မိတဲ့အတွက် တောင်းပန်ပါတယ်...ချန်ချန် တောင်းပန်လိုက် "
" တောင်းပန်ပါတယ် "
" တောင်းပန်ပါတယ် "
" တောင်းပန်ပါတယ် "
ကောင်လေးများ၏မျက်နှာများသည် နီရဲနေတော့သည်။
ဟော်ရှောင်းရှောင်း ယီချန်းကို ကြည့်လိုက်သော်လည်း သူက မပြောခဲ့ပေ။
ဟော်ရှောင်းရှောင်း သူ့ကို Rubik's Cube ကောင်းကောင်း မသင်ပေးခဲ့ဘဲ တောင်းပန်ရန်ငြင်းဆန်ခဲ့သည်ကို သူ အမှတ်ရနေဆဲဖြစ်သည်။
ဟော်ဆွေ့ချန်း ဘာမှမပြောဘဲ ဟော်ရှောင်းရှောင်း၏နောက်ကျောကို ပွတ်သပ်ပေးလိုက်သည်။ " ပင်ပန်းနေပြီလား "
ဟော်ရှောင်းရှောင်း သမ်းကာ ခေါင်းညိတ်လိုက်သည်။
ဒီကလေးဆန်သည့် ကလေးတွေနဲ့ ဒီမှာ ရှိနေရသည်မှာ အတော်လေး ပျင်းစရာကောင်းသည်။
ဟော်ဆွေ့ချန်းသည် ပွဲပြီးဆုံးသည်ထိ မစောင့်ဘဲ တစ်ခုခုကို အကြောင်းပြကာ စောစော ထွက်လာခဲ့သည်။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
