#عُقد_البنات
البارت الرابع
للكاتبة لبنى الموسوي
فتحت آمنة إيدها گدامي تحاول تحميني من عصبيته
رمى الجنطة وصرخ بيها وخري من وجهي
صاحت بصوت عالي عمة وينچ عمةةةة تعالي بسرعةةة
توه سحبني من وراها طلعت خالتي تركض
اخذتني من إيده رجعتني ورى ظهرها وظلت تدفع بيه
- اهدا يمة شبيك گول يا الله
- اهدا شنو؟؟ اهدا شنووووووو فهمينننني شلون يعني تنخطب المروان اريد واحد يفهمني شديصير هنا
- وانتَ منو گال لك
- مروان منو يعني شفته بالمحل وبشرني بخبر خطوبته
- ولا يگعد راحة أبو المشاكل
- وخري يمة وخررررري حچاها وراد يسحبني... دفعته خالتي وصاحت فوتي طبي جوة بسرعة ولچ
دخلت أركض بالگوة وصلت الـ بيبيتي من الخوف
لزمت إيدها وگعدت أنفض مثل السعفة
صاحت شكو بعدني ممجاوبتها صوت ناصر ترس البيت
طلعت عمتي تركض
رادت تلحگها بيبي توسلت بيها حتى متعوفني وحدي
گامت على حيلها.. وگفت وراها ولزمت بـ دشداشتها
شوية ودخل
يركض وهنَّ يركضن ورى يحاولن يلزمنه
وصل يمنا رفعت بيبي سبحتها بوجهه اذا تطخها يناصر لا آنه بيبيتك ولا انتَ حفيدي من اليوم تسمع
- بيبي الخاطر الكائنات كلها وخري من وجهي شياطين الجن والأنس دتتطافر گدامي حالياً
- الخاطري يمة اذا تعز بيبتك عوفها مو قسمتك شلون يعني تموت روحك وراها ما صايرة هاي
- لعد صايرة تبيعني علمود مروان
- أبن عمك مو غريب
- تعالي ولچ لتخافين بس اريد اعرف شلون انخطبتي اله داگول تعااااااالي... حچاها وطفر دفعته بيبي
أميرة.. استهدي بالله شبيك البنية متريدك گوة يعني
ناصر.. متريدني !!!!
نرجس.. مو هيچ بس هيَّ مراهقة ومشاعرها مو ثابته
تعرف بعد
بـ هالمرحلة أهم شي عدهن بدلة وعرس مو مهم الحب
ناصر.. تعالي قمر تعالي جاوبيني هالحچي صحيح !!!
باوعت على خالتي أشرت بـ راسها بمعنى گولي أي
اني همْ هزيت بـ راسي وعساني لا هزيت
تخبل لا شنو تخبل !! تحول أعصار من عصبيته ما ظل شي بالصالة صاحي فلشها تفشل
يشيل بالغراض ويرگع والغلط أشكال على لسانه
يردون يلزموه ميگدرون
أخر شي دفع الكرويت عليَّ بكل قوته
خطية بيبي انضربت بـ رجلها لأن هيَّ الواگفة گدامي من قوة الضربة وگعت... هوَ همْ خله وطب الـ غرفته
رفعت دشداشتها صارت كدمات لزمت المنطقة صرخت
راحت خالتي جابت الدهن
رادت تدهن لها أخذته منها عوفيها وروحي شوفيه اني يمها
راحت ورجعت بسرعة گالت قافل على نفسه
گمت غسلت ورجعت الغرفته رفعت البساط اليم الباب داخذ المفتاح من جوى فزيت على صوت الكسر
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
