#عُقد_البنات
البارت الثامن والأربعون
للكاتبة لبنى الموسوي
- صفنت عليه بـ صدمة .. شلون يعني حاير مـ فهمت !!
- لا هيچ ليظل بـ بالچ .
- عفية احچي ترى والله خوفتني بـ كلامك هذا
- يمعودة ماكو شي لتظلين تدققين بـ كل كلمة احچيها
الموضوع وما بيه داشوفچ صغيرة مو مال زواج
بس بعد شسوي الـ گلبي اللي حبچ انتِ من دون البنات
- باوعت له مبتسمة بـ خجل ..
- اي گولي انتِ شلونچ بالدراسة شاطرة لو نص ونص
- لا شاطرة كلش
- وشنو طموحچ يعني يا كلية حابة تدخلين
- طبية وان شاء الله أحققه
- گدها انتِ
- شكراً
- زين ما عندچ سؤال يخصني و حابة تعرفين جوابه
- هااا !! لا .. يعني والله ما ادري مو بـ بالي حالياً
- هههههه حقچ تخجلين لسه مماخذة عليَّ
بس ان شاء الله ويا الأيام تتعودين على وجودي المهم تعالي يمي
- شنووو !!.
- هههههه تعالي يمي لو سمعچ بيه خلل
- لا بس يعني هياني يمك
- مو هيچ .. حچاها ونهض سحبني للتخم الگاعد عليه
گعد وأخذني الـ حضنه تخربطت أحوالي
رفع إيده على گصيبتي يضحك مو اگول لساتچ طفلة
- لا والله بس متعودة عليها لأن بالدوام كله أظفر شعري
- وبعد شـ عندچ عادات
- أبوس ماما يوميا أول ما اگعد الصبح وقبل لا أنام
- الله يحفظها ألكم
- شكراً
- وبعد
- لازم اقرا قرآن بعد صلاة الظهر حتى لو مشغولة هيچ عودتنا ماما گالت كتاب رب العالمين حرام ينهجر
- أمكم مبين تعبانة بـ تربيتكم من أول يوم شفتكم بيه
- اي كلش ضيعت عمرها علينا خطية
صارت إلنا أب أم صديقة وكل شي نحتاجه بـ هالحياه
- عيونچ حلوة
- هاا
- عيونچ حلوة كلش لـ درجة سحرتني من أول نظرة
- نصيت راسي خجلانة .. رجع رفعه بـ أطراف أصابيعه تقرب ديبوسني آآ اگول شسمك
- ههههههه شسمي بلا إذا تعرفين انطيچ هاي ومد إيده الجيبه طلع من محفظته خمسة وعشرين دينار
- هههههههههههه
- لا صدگ ما اتشاقى إذا تعرفيه هاي مني إلچ
- شنو السالفة اكيد اعرفه بس والله يعني أخجل اگوله
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
