#عُقد_البنات
البارت الرابع والأربعون
للكاتبة لبنى الموسوي
ورد.. گعدت الصبح بالدفرات الله ياخذ المدرسة مو كنا معطلين ومرتاحين شـ رجعها هادمة السعادة
باوعت للساعة بـ ضجر ليش مگعدتني من هسه بعدها ستة ومدري شگد هاي الثلاثين نص مو
عشق.. اي ستة ونص وگعدتچ حتى اراجعلچ الإملاء منا لهنا تنسين الأول والتالي ويضيع كل تعبي وياچ
ورد.. اهووو كافي والله لعبت نفسي ألف مرة رديتولي انتِ وأمي حفظته يمعودة حفظتتتته
عشق.. أي مبين حفظتي من الخمسات التتراگع علينا
عطاء.. هاي لسه مـ گامت
عشق.. گامت ماما هسه بس تغسل وأراجع الها الدرس
ورد.. كفيت الغطا ونهضت من مكاني ضايجة
غسلت وجهي ورجعت للغرفة عشق محضره كل شي بس گعدت انطتني القلم
- يلا اكتبي حمل الرجل
- كتبت
- فأسه
- فئسه
- الطممممممممم
- احا حو احا حو .. وادگ على صدري
- انچبي زمالة وركزي زين فأسه غلط ألف مرة نبهتچ
- هااا اي هيچ تنكتب فءسه
- بعد بعد مو حزورة هيَّ
- لعد ما ظلت غير هاي فأسه صح مو
- اهلهل
- اثبتي على رأي ساعة تهلهلين ساعة تلطمين
شنو هل ادزدواجية العندچ
اگول صدگ شنو يعني ازدواجية ؟!!
هاي معلمتنا دوم تگوللنياها لأن نحچي عليها يم المديرة ومن تجينا دگ لواگة ومدح نصير مو احنه اصلاً
- راح انطيچ لطمة على عينچ اطفيها بـ إيدي
ركزي يلا الوقت ديضيع .. اكتبي يجمعهُ شنووو يجمعهُ وصلت الفكرة لو الغباء وراثة على ذاك الرجال
- لا وصلت
- مثل فأسهُ يلا صيري شاطرة واكتبيها صح
- يعني بيها همزة ع الألف
- ااااااخ ولكم گلبي راح يوگف
- لا لا عرفت والله هيچ تنكتب يجمعهو
- الطممممم
لچ ثووووولة حركة هاي حركة مو واو
الفظيها وحدها يجمعه عادي تنلفظ ميصير بيها أي خلل
- اي اي تذكرت لتصيرين عصبية
- اكتبي يبيعهُ
- يبعهو
- يمةةةةةةةةةةةة
عطاء.. ها ها شبيچ تصيحين
عشق.. تعالي لحگيني راح تجلطني بنتچ وحق القرآن
عطاء.. شبيها
عشق.. غبية غبيةةةةة
ورد.. اني مو غبية لعلمچ بس اضوج من المدرسة ديري بالچ تحچين عليَّ ترى والله بعد ما احبچ
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
