#عُقد_البنات
البارت السادس والأربعون
للكاتبة لبنى الموسوي
عطاء.. طلعت من البيت اركض بـ وجهي للضابط
هوَ همْ من شافني نزل من السيارة عفية شلووون بناتي ماكو شوف لي حل قبل لا أفقد عقلي
- اهدي يوم وجاوبيني همْ عدهن صديقة يجوز رايحات وياها وماخذتهن السوالف
- لا لا بناتي مو هيچ ميتحركن منا لـ هنا بدون علمي
- ميخالف تصير ..
خلينا ناخذ بـ كل الإحتمالات حتى لو بعيدة عسى ولعل
- لعد راح اتصل بـ عمتهم اشوف بلكي رايحات يمها ولو ادري ميصير هالشي بس الغرگان يتعلگ بـ گشاية
- يكون أحسن
- دخلت للبيت بسرعة اتصلت بـ ميسم هيَّ ردت شلونچ دادا داخلة على الله وعليچ گولي بناتي يمچ
- شنو عطاء شبيهن البنات ؟!!!
- يمچ لو لاااا
- هاي شبيچ شعدهن يمي وحدهن من شوكت مسوياتها
- دخيلك ربي راح اتخبل بناتي وين
- ولچ احچي وگفتي گلبي
- ما ادري ميسم البنات فص ملح وذاب
طلعن من المدرسة ع الموعد ولسه ماكو شسوي بروحي
- شلون يعني؟!! زين اتصلتي بمروان بلكي هوَ ماخذهن
- لا حتى ما عندي رقم بيته من غيروه بعد ما أخذته
- إبراهيم عنده هسه شوية وارجع اتصل بيچ انتظريني
بس سدت الخط إندگت الباب طلعت الضابط ظل باله
فتحتها سألني شصار گلت له منتظره رقم أبوهن
- وليش تنتظرين اني عندي من سألت عن بنتچ علمود أخطبها أخذته .. هاچ اتصلي من موبايلي
- اي رحم الله والديك
گعدت نظر يم أخته بالحديقة ورجعت له
انطى اتصال أخذته منه شوية وجاوب مروان هاي اني
- عطاء ؟!!
- اي اگول البنات يمك .. يعني قصدي عشق ونبض
- شبيچ مريضة انتِ شنو البنات يمك !!!
- بناتك ماكو مروان لسه ما رجعن للبيت تعال شوفهن وين ليرحن من إيدي حالهن حال رحيل وأتخبل
- شدتحچين عطااااء شنو يعني ما رجعن
- مثل مـ سمعت يلا تصرف
- جاي روحي الله يااااخذچ ويريحني
سديت الخط لازمة دمعتي بـ صعوبة .. دگ الأرضي
رجعت موبايله ودخلت جاوبت ميسم رادت تدز زوجها مـ قبلت گلت الها مروان جاي شـ يريد يسوي قابل
طلعت للطرمة الضابط گاعد بـ السيارة من شافني أشر براسه يعني اني هنا عباله أدور عليه
ظليت گاعدة يم الجهال دقايق و وگفت سيارة بالباب
نهضت بسرعة طب مروان فاير البنات ووووين
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
