عقد البنات

البارت 52

#عُقد_البنات
البارت الثاني والخمسون
للكاتبة لبنى الموسوي

يستطيع الكذب أن يدور حول الأرض ، في إنتظار أن تلبس الحقيقة حذاءها .
____________

ورد.. واگفة گدام ماما محتارة احچي لو ما احچي وإذا سكتت شلون راح تتصرف أختي بـ مفردها

احنه فتحنا عيننا ؏ الدنيا ما عدنا سند بـ هالحياة غير رب العالمين ومن بعده ماما ، بدون مشورتها نضيع

صح عشق خايفة عليها بس اتصور لازم تعرف لأن هذا السكوت راح يدمرها بدون متحس .

- تقدمت بـ خطوات مترددة بعدها دتتريگ ماما ممكن نحچي بس حبابة لتأذين روحچ وتتمرضين

- نزلت كوب الچاي من إيدها خير يا رب بس لا جايتني بـ مصيبة جديدة والله مـ ناقصتچ ورد

- اهوووو هسه ليش تحچين عليَّ بعدچ مـ فهمتي شي

- احچي يلا شكو

- مديت راسي الباب الصالة اطمأنيت ماكو أحد رجعت باوعت الـ ماما اني قبل يومين سمعت شي يخوف

- يا ستار شـ سمعتي ولچ

- تفاحة مو باتت يمنا بالليل اني كنت بعدني لسه احاول أنام چان أسمعها تبچي وتگول الـ بزونة راكان طلع متزوج عليها عزززة

- شنو شنو شنو عيدي شـ گلتي !!!

- والله ماما گالت متزوج وعنده بنية وحتى خطية من البچي ما گدرت تكمل السالفة ونامت بـ شهگتها

- نببببببببببببض

- إجت تركض ونظر بـ إيدها ها ماما شكو

- تعالي ولچ حاچيني شنو هالكلام الـ سمعته من ورد

- يا كلام !! وباوعت لي

- صدگ راكان متزوج على أختچ وعنده بنية

- بهت لونها ظلت عيونها تدور بيني وبين ماما صرخت بيها بـ صوت ننزني من مكاني عباتي بسرعةةةة

نبض.. ماما فدوة اهدأي وخل افهمچ السالفة هيچ راح توگعين علينا واحنه ما صدگنا ضغطچ ينزل

عطاء.. ورررررررد عباتي ولچ ؏ المحجر

ركضت جبتها ورجعت لگيتها دتلف بالشيلة ونبض يمها تحاول تمنعها من الطلعة بس ولا كأنها تسمع

سحبت العباية مني من الخوف أخذت حجابي وطلعت وراها لأن إذا بقيت بالبيت نبض تبتلي بيَّ

حتى مـ حست بـ وجودي يمها وإذا حست فـ ابد مكانت بحالة تسمح الها تعترض على جيتي وياها

أخذت تكسي من راس الشارع الـ بيت عيال عشق
الطريق كله تنفض من العصبية ، للحظة تندمت حچيت بالسالفة لو يصير بيها شي شلون راح اسامح نفسي

وصلنا .. ذبت الفلوس ؏ السايق ذب ونزلت تركض
نزلت وراها حجابي يفلت مـ لحگت ألبسه عدل ، ظليت لازمته بـ إيدي وأركض وراها أريد ألحگ ماكو