#عقد_البنات
البارت الواحد والتسعون
للكاتبة لبنى الموسوي
عِندما نَظرتُ هذا المَساء إلى مِرآتي وجدتني قد كَبرتُ ألفَ عامٍ عن ألفِ جَرح وما زِلتُ في العمرِ صبية . ✍🏻
_________
ورد.. هذا شنو هذا ؟!! ولكم هذا إعترااااااااف
عشق.. يا إعتراف ولچ هذا ديطلب إيدها للزواج اقري
ورد.. بزونة انتِ ويانا ، اصحي يمعودة الأستاذ خطبچ وانتِ مخلصتها علينا صفنات
سحبت جهازي من الفراش وهنَّ مستمرات يلغن فوگ راسي ، بدون تفكير طلعت محادثة آريان بالواتساب انطيت إتصال وانتظرت اليرن ماكو معناها فاصل النت من موبايله ، رحت على سجل المكالمات اتصلت مباشر ؏ الشريحة ، البنات يمي خبصني بالاسئلة اريدهن يسكتن ماكو ، قريب مينتهي الإتصال رد بصوت ناعس
- خير عيناي خو ما صاير شي وياكم
- گعدتك ؟؟ اسفة
- تمونين ماكو داعي للإعتذار ، بس شكو شغلتي بالي
- اريد احچي وياك إذا ممكن
- اكيد ممكن ، أسمعچ
- لا وجه لـ وجه أحسن ولو راح أتعبك بس مضطرة
- هسه ؟!!
- اي
- سكت شوية بعدين سحب نفس واضح مصحوب بحسرة عميقة : وين تحبين نلتقي ، بالحديقة لو شلون
- اي بالحديقة
- تمام بس أغسل وجهي واجيچ
- انتظرك .
بس سديت الخط لزمني خواتي يردن يعرفن شنو راح احچي وياه ، تركتهن وطلعت بسرعة ألبس بـ حجابي ، مديت راسي بالصالة الحمد لله ماما رايحة بسابع نومة ، فتحت الباب بـ هدوء وطلعت بوخة كلش حتى الهوى واگف ، تمشيت للحديقة دخلت بـ أعماقها صح الوقت متأخر بس كل شي يصير طلع واحد بالصدفة وشافنا سوى شنو راح يگول علينا ساعتها .
ما انتظرت هواي ، أقل الدقيقة لمحته يتمشى بالطرمة إلتفت ؏ الحديقة رفعت إيدي أشرت له ، شافني تقدم ؏ السريع ، بس وگف گدامي إختلت كل موازيني
- شنو هذا حالچ يمعودة قلقتيني
- رفعت الكتاب بـ وجهه : ممكن أعرف شنو قصدك من هالكلام واتمنى تجاوبني بسرعة وبدون لف ودوران
- ماكو داعي للف و الدوران ، أعتقد الكلام جداً واضح مع ذلك راح احچيها اي اني رايد تشاركيني الباقي من عمري على سنة الله ورسوله ، اكو غلط ؟!!
- اي اكو ، اني بالذات ما افيدك يعني انتَ تركت البنات الگدامك كلهن وما لگيت غير نبض تتعلق بيها
- ومنو گلچ اكو بنات گدامي
- ليش ماكو ؟!! بالشارع ، بالمنظمة ، بالجامعة ، و من غير البنات الـ تلتقي بيهن صدفة أو بـ مواقع الـ تواصل الإجتماعي واني متأكدة أغلبهن إذا مو كلهن يتمنن منك هالكلام الصح واللي كتبته للشخص الغلط
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
