#عُقد_البنات
البارت السادس عشر
للكاتبة لبنى الموسوي
مباشرةً التفتت على آمنة رفعت حاجبي خليج طبيعية
ما ادري شديصير هنا
بس أي رد فعل غير مقصود منها ممكن يكشف المستور
أم طارق.. صدگ خية شو ميسم مگالت من فتح هيثم گدامها موضوع أختها قابل متدري ؟!!
أميرة.. أي متدري لأن مصار شي رسمي
مجرد كلام بين الزلم وانسدت السالفة بعد وفاة عمتي
- ليش لعد من إجت وبلغتكم
دزيتوا خبر خليهم يتفضلون كل الهلا بيهم چان رديتينا واحنه بـ مكاننا مو أحسن منتأمل ع الفاضي
- اني تعمدت ما أردكم من بعيد مردتكم تزعلون مني
وهمْ خفت لا عبالكم ندور حجج حتى نرفض أبنكم بس والله لو ممنطين كلمة للعالم
فـ مستحيل ننطيها الغيره لأن منلگى الها نصيب أحسن من هيثم ع الأقل معاشريه ونعرفه ونعرف أخلاقه
- يلا كل شي بالقسمة والنصيب والظاهر هيَّ مو قسمته
عموماً مصار إلا الخير
شنريد غير راحتهم الله يسعدها ويوفقها بحياتها الجاية تستاهل آمنة بنية والنعم منها ومن تربيتها
- أمين حبيبية
ويسعد أبنچ ويعوضه ببنت الحلال التستاهله وتصونه
- رحم الله والديچ
اباوع الآمنة من القهر عيونها صارت بـ لون الدم
إيدي على گلبي
خايفة لا بساعة عصبية تفضح نفسها وتروح بيها الثولة
شوية وگاموا إستأذنوا
راحت مرت عمي توصلهم بس طلعت من الباب رميت رحيل من حضني وطفرت عليها آمنة اسمعيني
- شسمع ولچ شسممممممع
ليش هيچ سوت ليش خلتهم يجون وبعدين رفضتهم !!
زين هذا منو القارين وياه فاتحتي من قبل موت بيبي
شنو يعني يزوجوني واني نايمة على وجهي
- اشششش اترجاچ حبيبتي أبوس إيدچ تهدين
ترى الموضوع بيه أنَّ
من كذب أمچ ومن لفها ودورانها معناها براسهم شي ما اريد بساعة عصبية تورطين روحچ بمشكله مالها حل
وهسه اسمعيني قبل لتجي عمتي
كل شي لتحچين
سوي روحچ ممهتمة والشي الوحيد التسألين عليه هذا منو القريتوا فاتحتي ويا وليش معندي خبر بهالشي
- ولچ قمر شدتحچي
- اترجااااچ عليچ بـ روح بيبيتنا الغالية الزمي أعصابچ گدامها ولتحچين شي غير الـ گتلچ عليه
سمعت صوت الباب إنسد ركضت رجعت الـ مكاني
شلت رحيل وظليت واگفة انتظرها
ما إجت للإستقبال !!!
أخذت آمنة صينية التقديم وطلعت رحت وراها خايفة بس أملي بيها تستوعب مكرهم وتعاملهم بالمثل
فرشت الـ ملحف يم مرت عمي ونزلت بنتي عليه
سويت روحي داغير تحتها
شوية وطلعت آمنة تنشف بـ إيدها
وصلت يمي نصت بوست رحيل وگعدت على الكرويت مقابل أمها
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
