عقد البنات

ملاحظة

مساء الــ🥀ـورد متابعيني الكرام ..

قبل كل شي هذا مو بارت ، لأن قبل كم يوم انطيتكم بارت مفاجئ للمليون مشاهدة مقدماً 🤭

بالنسبة للبعض يگولون البارت قصير
أو ليش بارتات الجزء الثاني أقصر من الجزء الأول
حبايبي ترى والله الـ عظيم الـ بارتات نفس العدد سواء بالجزء الأول أو الجزء الثاني بدون زيادة ولا نقصان

ممكن تگولون الأحداث شدتكم ودتندمجون بالقراءة لذلك متحسون بطول البارت .. اگولكم اوك وبالعكس يسعدني هالشي لأن يكون نابع عن حبكم للرواية ولكتابتي ايضاً

بس مو تبخسون حقي وتگولون شنو هاي وليش هيچ البارت قصير وكل شي ما فهمنا منه لا هنا تسمحولي ..

أنتم بس جربوا تعلقون على فقراته مثلكم مثل غيركم وعاتبوني إذا گلتوا قصير لأن حقكم متعرفون شگد ياخذ مني وقت وجهد بالكتابة ..
لكن للأسف تعليق متعلقون حتى بـ عاشت إيدچ وبالنهاية تجون تتذمرون ؏ الكاتب بعد كل تعبه وبدون أدنى تقدير !!

المهم اني هذا اليسمح بيه وقتي ويا مسؤوليات البيت والدراسة والأطفال وبلغتكم من أول القصة .
وكذلك ما اتصور مقصرة وياكم بشي لا من ناحية طول البارت ولا من ناحية الإلتزام ولا من قوة الاحداث

شغلة ثانية الإختصار بالقصة اني الأحدده
قسم منكم يعتبون عليَّ بسبب إختصار بعض الأحداث
والقسم الثاني على العكس يردون أختصر

حبايب هذا شغل الكاتب هوَ يعرف متى يدقق بالحدث ومتى يختصر فـ خلوني اكتب على راحتي ولتأثرون عليَّ بـ تعليقاتكم الـ مو بمحلها وبالتالي تضيعون تعبي وتضيع معاه جمالية الرواية عليكم .

الأحداث جداً متعبة مثل مدتشوفون لدرجة مرات أندم على كتابتي للرواية لكن أرجع وأعتبرها من أقوى واحلى أعمالي وهالشي يهون عليَّ تعبها

إذا انتم مجرد تقرأون وهيچ تعبتوا لعد الكاتب اليكتب مثل هكذا عمل بكامل المشاعر شلون يكون حاله !!

اتمنى وصلتلكم الفكرة وهالملاحظة كانت ضرورية لأن بارت البارحة بالتحديد هواي منكم تذمروا بحجة قصر البارت وكان لازم اوضح الكم المسألة

وبالختام حابة أشكر المتفاعلين على دعمهم وتواصلهم المستمر معي ، فـ بكم انا أكتمل 💛

والـ ممتفاعلين تفاعلوا عيني حتى تحللون خبزتكم مو بس بيكم تعتبون ترى اني هم عندي لسان وأعتب عادي علمود الحقوق تتساوى مو صح 🌚💔

خالص محبتي للجميع ودمتم بـ خير ❤🥀

من البارت القادم