#عُقد_البنات
البارت الحادي عشر
للكاتبة لبنى الموسوي
رفعت إيدي على حلگي ممستوعبة الديصير گدامي
صدمة
خوف
نبضات داخل صدري ممنتظمة
صرخت من گلبي لااااا ناااااصر ليش لك مروان ليششش
لفحت حرارة أنفاسه على أذني
تماماً كأنها سم وتخلل الـ مسامعي ها شفتي شنو اگدر اسوي من تعاندين هواي حذرتچ بس شسوي الغبي يبقى طول عمره غبي
- التفتت اريد انزل له سحبني من زندي وووين
- اترجاك عوفني
- من كل عقلچ تحملين بابا
- مروان عوفني محد اكو بالشارع اذا منزلت يموووت
- وهوَ المطلوب
- حرام عليك حرام والله حرام
حچيتها ونزلت ع الأرض انحب بـ صوت عالي
صار بـ مستوايا
رفعت راسي وسحبت إيده بستها خليني انزل ابوووس إيدك خليني اروح له هذا أبن عمك شلون تكتله
- تعاندين بعد
- لاااا والله لا لا ما افتح حلگي بـ حرف لو شما يصير
- ناصر تنسيه من اليوم
- نسيته خلاص
- دفعني ع الأرض وگعت على جانبي خله حذاءه فوگ راسي وهوَ يگول حتى لو دستچ بالقندرة همْ ممنوع أحد يتدخل خوش
- بچيت بـ حرقة ميخالف شتريد تسوي سوي
- مدرسة
- ماكو بعد ما اريد اداوم
- خالتچ تهينيها گدام أهلي حتى تلزم حدها ومتتدخل
- وين متدخلة والله هيَّ بس...
- عطاءءءء
- ميخالف ميخاااااالف
- بس حچيتها رفع حذاءه من خدي گمت انزل صاح ها وين اوگفي مگلت انزلي أوامرچ تاخذيها مني
- شكو بعد گلت لك شتريد اسوي
- مد رجله گدامي بوسي رجلي بلكي أحن وأقبل
- بدون ما اتردد لحظة نزلت بست حذاءه أكثر من مرة
- سمعته يضحك رفعت راسي ها انزل
- انزلي
- ردت اروح صاح اوگفي التفتت ابچي راح يموت راح يمووووت اترجاك عوفني واللي تريده يصيرلك
- راح تحچين
- ابد والله ابد گلت لك ما اتنفس
- يلا روحي وعموماً الدم ميصير ماي لذلك وصيتهم لا تضربوه بأماكن حساسه هوَ وحظه بعد يموت يعيش
درت وجهي وركضت ممصدگة ما صاحني بعد
دانزل الدرج وگعت
انضرب راسي بالمحجر بلعت الوجع وگمت معندي شي أهم من ناصر حتى نفسي يمه لا شيء والله لا شيء
طگيت القفل وفتحت الباب الخارجية طلعت أركض
رجلي حافية
راسي مفرع
ملابسي ممستورة
كل شوية وادوس على شي ينغز بـ گلبي لأن الگاع هنا ابد مو نظيفة عبارة عن مخلفات الأشجار والبناء
وصلت يمه نزلت على ركباتي وسحبته الـ حضني
ناصر نااااصر گوم فتح عيونكككك
ضربت على خده حيل تنفس بـ عمق بست راسه اترجاك گوم ما عندي غيرك ناصر گوم ولتعوفني وحدي
هسه معليك بيَّ أمك ألمن تخليها
زين مرتك وأبنك الـ بعدك مفرحت بيهم شلون تعوفهم
گوم ناصر گوم
أنت تقرأ
عقد البنات
Ficción históricaلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
