#عقد_البنات
البارت الثالث عشر
للكاتبة لبنى الموسوي
كُلنا للهِ وَ كُلنا إليهِ راجِعون يَومًا
عِبارةٌ هيَّ عَلينا فَرضًا
فَـ ما بالُ هذا القَلب !!
إذا رَحلَ مِنه عَزيزٌ مِن دونِ عَودة أبرَحَـنا وَجَعًا . ✍🏻
_______
~ «تساقط أوراق الماضي في خريف الحاضر» ~
< عودة إلى الماضي القريب >
هتان.. كنت جالس ويا الوالد نتناقش بـ موضوع يخص عملي فجأة صار يتثاوب عرفت النُعاس سيطر عليه استأذنت منه و رحت لغرفة نيار طرقت الباب كالعادة شارد بـ خياله بين الورقة و القلم يجهز للكتاب الجديد
- نيار مـ تجي نسهر ويا آريان ، ضايج
- لا خوية فشلة من زوجته الوقت تأخر خليها غير يوم
- زين اترك الكتابة من إيدك شوية و تعال دنطلع نفتر
- الساعة راح تصير الـ 12 هتان وانتَ بالعراق
- صار معلوم مالك مزاج غير للكتابة
- لا خوية مو هالشكل بس وقتك مو مناسب تفضل يلا سد الباب وفوت نسهر للصبح ، فدوتك الدوام
- يخليلياك حبيب
بس حچيتها رن موبايلي رفعته أحمد ديتصل ..
- هلا والله بباي
- هلا بيك عبسي ، اني بالباب الك مزاج للفرة بالبُستان
- يمعود غير اجيت بـ وقتك ، ضايج فول
- يلا تعال انتظرك
- سديت الخط وباوعت لنيار مبتسم : عيناي انتَ ارجع للكتابة بعد ما احتاجك طالع ويا أحمد
- هههههه الله وياكم
سديت الباب وغادرت البيت لگيته واگف ينتظرني عند بيت آريان ، سلمت عليه وتمشينا نسولف رمى لي كيس حب عين الشمس وحچاها بـ إبتسامة ..
- هاك كرز حب صديقي احنه مو وجه جگاير و نرگيله
- هههههه اصلاً أحسن شي سويته ما عودت روحك ؏ التدخين ليش شنو بيه غير الضرر الجسدي والنفسي
- البركة بأبوية وإلا كان أدمنت عليه بـ المراهقة بسبب اصدقائي ومو بس اني كل اخواني هيچ راقبهم لحد ما كبروا وتجاوزوا هالمرحلة بعدين همَ نفسهم صاروا يعرفون ضرر التدخين شنو وابتعدوا عنه
- والوالد همْ نفس شي الله يحفظهم ، المهم ما گلت لي شعجب شفناك وانتَ الفجر تلتحق
- حبيت اجي اودعك واعوضك عن الطلعة الطلبتها مني واعتذرت عنها والله بيومها كنت تعبان بشكل متتصوره
- الله يساعدك مـ يحتاج تعتذر مقدرين وضعك
- ويساعدك صديقي ، اگول صدگ عرفت شصار البارحة
- لا خير
- فيصل حچى وياية علمود زيتونة يريد يخطبها
- صدگ يعني !!!
أنت تقرأ
عقد البنات
ऐतिहासिक साहित्यلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
