#عقد_البنات
البارت الخامس والعشرون
للكاتبة لبنى الموسوي
زُفَت لي عِشقًا ثَمِينًا وَ أنا بِها مِن أشَدِ المُغرَمين . 💛
___________
هتان.. لتتقربين مني وردتي حتى لتتأذين
- رفعت حاجبي بـ إستغراب : مسمعت زين عيد كلامك
- لتحاولين تتقربين من هتان لأن هالقرب راح يأذيچ
ضحكت بـ صوت عالي وبلمسات جريئة نزعته القميص ظل صافن بـ وجهي مـ إهتميت ، سحبت الـ تي شيرت منه لبسته و غلقت أزراره .. رفعت عيني ثبتتها داخل عيونه و بنبرة تحدي مصحوبة بالإستهزاء گلت له :
- بقى البنطلون مثل متعرف القماش ابد ميناسب الـ تي شيرت يحتاج كابوي فـ شتگول ألبسك بـ نفسي لو قربي يغير أحوالك وبالتالي تخرج الأمور عن سيطرتك
- شنو دتتحديني ؟!!
- المسألة مو مسألة تحدي بگد ما هيَّ إستهزاء ، أستاذ هتان نصيحة مرة ثانية من تنام بالليل تغطى زين حتى ثاني يوم متاخذ برد وتظل تخربط بالكلام ، صار واضح
درت وجهي ردت أطلع سحبني من زندي ، طوق خُصري بـ معصم إيده وبالإيد الثانية تلمس طرف حاجبي
- مممم دتحاولين تگولين اني ممهتمة بيك ولا محتاجة قربك لكن للأسف محاولة فاشلة ما تقنتِ فن التجاهل بالصورة اللي بيها تتمكين من إقناع مُخرج سينمائي ومسرحي ومُصور مُحترف يلتقط الصور حسب نظرة العين
- هه وانتَ دتحاول تحصل على شي الأكبر منك حاول وما گدر يحصله
- ومنو يگول ما حصلته ؟!! حچاها يتلمس بـ شفايفي
- تؤ تؤ تؤ إيدك صديقي إيدك ، لتحاول تتقرب من ورد الشام لأن بالقرب منها موتك مو بس أذيتك
- وَهلْ تُجدي اللامُبالاة نَفعًا بَعدَما تَبوح العَيونُ بـ أسرارَ قَلبها !!!
- هه مع الأسف طلعت مو شاطر بـ قراءة لغة العيون
- ما قصدت بـ كلامي هالعيون الحلوة
- لعد يا عيون بلا ؟!!
- نظرچ الغادر الحياة وبعدچ دتشوفين الدنيا بـ عيونه
- بلعت ريق أحاول أتنفس بـ شكل طبيعي ..
- بالضبط هوَ أحمد الـ مجرد سيرته كافية حتى تسحب النفس من صدرچ ، تگدرين تنكرين مثل هالإعتراف
- حقير لتصير
- مقبولة من وردة گلب هتان
- انتَ إنسان بـ قمة التناقض نفسك متعرف نفسك شنو تريد لذلك خليك بعيد عني رجاءً
حچيتها ودرت وجهي داغادر لزم معصم إيدي حيل ..
- مو قصدي بس ما اريدچ تتأذين بسببي
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
