#عقد_البنات
البارت العشرون
للكاتبة لبنى الموسوي
سَـ أخبِرُكُم سِرًا عَن قاتِلي : إنهُ لمْ يَكن يَملك سِلاح بَل كَانَ كُلما أرادَ قَتلي .. تَفوهَ بِـ كَلِمة . ✍🏻
__________
~ « تساقط أوراق الماضي في خريف الحاضر » ..
< العودة إلى الماضي البعيد > Flashback
راكان.. توني راجع من الدوام تعبان بدت رينا بالموشح المعتاد عن الزواج والأطفال من يمي مليت وهيَّ لا
- كافي اسكتي اريد أنام شوية ، العصر عندي شغل
- ما اسكت ولا راح اسكت وانتَ مجبور تسمعني
- السالفة بدت تزيد عن حدها حتى صرت اشك بحبچ يعني معقول تدفعيني للزواج من وحدة ثانية بـ إيدچ شنو متخافين أميل لها وبالنهاية تقاسمچ الحب بـ گلبي
- مستحيييييييل ادري بيك شگد تحبني ابد ما اتصور يجي اليوم التباوع بيه على غيري
- أحلامچ الوردية بطليها اني رجال والله مشرع لي بدل الوحدة أربعة مو نبي لا والله حتى الأنبياء همْ مطبقين تعدد الزوجات وتعرفين مكاني شگد حساس وشنو من نماذج أقابل يوميًا وبيهن حتى اليعرضن عليَّ نفسهن بس رغم كل شي مكتفي بيچ واحاول على گد ما اگدر احافظ على الثقة البيناتنا بس مال تجبريني اتزوج وتجيبين لي وحدة بحضني وعلى فراشي وتگولين لا والله اني واثقة من حبك ومستحيل تباوع لغيري هنا اني راح اگول لچ اسمحي لي لأن هذا يسموه إكلان تبن ماكو واحد ابن حلال يعاشر وحدة جسديًا ويرتبط اسمها على اسمه وميحبها لعد وين راحت الآية القرآنية وجعلنا بينهم مودة ورحمة لو هوَ مجرد كلام استغفر الله
- يعني إذا عاشرت غيري راح تحبها !!!
- اي ليش الكذب اني مرات موظفة وياية ممكن تسوي حركة عفوية تغريني بيها بدون متحس فـ شلون لو اتزوج وحدة وتصير بيناتنا عشرة ويجمعنا فراش واحد اكيد راح أحبها بالنهاية اني رجال وعندي مشاعر وهالشي بالحلال واللي يصير بالحلال الله من سابع سماءه يبارك بيه ، حبيبتي ترى الزواج شي مُقدس عند ربچ مو لعبة وتعرفين بـ رجلچ شلون تحكمه المشاعر
- شگد حقيييييييييير وتحچيها هيچ بكل برود گدامي بس بسيطة راكان إذا ما أندمك على هالكلام ميكون اسمي رينا ، مع الأسف حبيتك وحاربت أهلي علمودك
حچتها و دارت ظهرها إلية ، غمضت عيني بـ تعب توني اريد أنام سمعت صوت شهگتها ، سحبت المخدة رفعتها على وجهي وحچيت بـ ضجر ..
- من تخلصين البچي مالتچ طفي الضوة اريد أنطمر
- حقر حقر بس اني الك
طنشت الوضع شوية وغادرت الغرفة ، نمت ساعة ونص وگمت بدلت حتى اطلع دامشط شعري اندگ الباب صحت تفضل دخلت أمي من وجهها عرفت جيتها وراها رينا
أنت تقرأ
عقد البنات
Narrativa Storicaلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
