عقد البنات

البارت 51

#عُقد_البنات
البارت الواحد والخمسون
للكاتبة لبنى الموسوي

لَمْ يَفِ بِـ عَهدِهِ مَعهَا ،
فَـ بَاتت تَعْتقِد بِأنَّ كل رَجُلٌ عَلى هَذِهِ الأرْضِ يَخون .
__________

- شنو اريد احچي وأي كلام يگدر يوصف حجم الصدمة الشعرت بيها بعد هالموقف الغريب ..

إذا هيَّ زوجته بالفعل والطفلة الـ بحضنها بنته لعد اني واللي بـ أحشائي شنو موقعنا من حياته !!.

شلون اگدر أشرح إحساسي ، واني نفسي فقدت الشعور
تماماً مثل طفل واقف على قمة جبل ،،
كفه متشبث بـ كف والدته وفجأة يختل توازنه !.
وبدل مـ تشد قبضتها عليه في سبيل إنقاذ حياته فـ إذا بهِ يُفاجئ إن هذه اليد ترميه إلى الـ تهلكة

- رفعت إيدي فوق كتف مزن اسند طولي عليها ورجعت كررت نفس السؤال منو هالبنية ومنو هالطفلة الـ وياها

- زوجته رينا وبنته جُنار

- شلون يعني زوجته وإذا هيَّ زوجته اني شنو ؟!!

- خليه هوَ يفهمچ أحسن

رفعت عيني عليهم انطته الـ طفلة وتقدمت على والدته قَبلت راسها ثم إيدها واحتضنتها بـ لهفة

إلتفتت بـ اتجاهي رمقتني بـ نظرة عابرة و حولت على مزن سلمت من بعيد بدون مـ تقترب مني

لا ابد ما اگدر استوعب الموضوع اكيد ناصبين عليَّ
تجاوزت الكل و وگفت مقابيل راكان
باوعت له ردت احچي تلعثم الكلام بـ داخلي ..

بلعت ريق أفتح بيه حِبالي الصوتية ورجعت نظري إله سألت بـ هدوء يُناقض حُطام روحي منو هاي راكان

- باوع لي بـ صمت بس نظراته حچت الما گدر ينطقه

- راكان جاوب صدگ ذني زوجتك وبنتك ؟!!

- استمر على نفس الـ هدوء
- زوجتك مو !!.

إلتفتت عليهم زوجته وكلكم تعرفون بس رغم معرفتكم مثلتوا عليَّ الحب والطيبة والأصالة والإنسانية

زوجته وبنته وحياته وياهم ومع ذلك إجيتوا وكسرتوني بدون متسألون انتِ گد هالكسر لو راح تنهدمين

زين ليش لا جد اريد اعرف ليششش ؟!!
إذا هوَ متزوج وعنده طفلة وحياة مستقرة ليش يتزوج من جديد وشلون گدرتوا توافقوه الرأي بـ هالزواج !!.

عاشت إيدكم والله العظيم عاشت إيدكم ،، صفقت
مثلكم ممثلين بارعين مـ شفت ولا راح اشوف بـ حياتي

حچيتها وركضت للدرج ..
صاح بيَّ راكان لتركضين ولچ اني مووو داحچي وياچ اوگفي بـ مكانچ لا أصعد لچ ،، عششششق

ولا كأني أسمع له ، دخلت للغرفة أركض فتحت الكنتور وسحبت الجنطة داحط بيها ملابسي اندفرت الباب

- طب مثل الـ زلزال اني موووو احچي ويااااااچ
نزل نظره ؏ إيدي .. بس شاف الـ ملابس ركض بسرعة رهيبة أخذهن مني وطشرهن على كبر الغرفة