#عُقد_البنات
البارت العاشر
للكاتبة لبنى الموسوي
على صوتي طلع عمو مُنتصر
خطية بـ طرگ الداخليات لأن شكله كان نايم
دفعه عني وسحبني من الأرض صار حاجر بيني وبينه
صاح بيه هاي ليش دتضربها
بـ هالأثناء كلهم اجو حتى خالتي وبيبي
تقدم علينا مروان من العصبية ميگدر يحچي رفع إيده يأشر اسألها اسأل هالساقطة وهيَّ تگولك ليش
رغم وجع جسمي وگلبي بس حاولت اقوي نفسي
باوعت له بـ تحدي مسويت شي ليش تفشر
هوَ اني حچيتها ما احس إلا سحبني من عمي وجابني بـ راشدي فر راسي فر
ديضربني الثاني ركض عمو دفع إيده حيل
رجعني ورى ظهره وصاح اذا بعد تمد إيدك عليها متلوم إلا نفسك احچي واني احل السالفة
- انتَ ليش دومك واگف وياها شنو عمها ومو عمي !!!
- اني ويا الحق لا وياها ولا وياك
- يلا خنشوف شلون تتصرف هسه حق لو باطل
هاي الوراك دتخوني
اجيت لگيتها واگفة تحچي ويا واحد من شباك الغرفة ومن سمع صوتي خلة وشرد ملحگت اعرف منو
- كذاب والله كذاب ماكو هيچ حچي
- لچ يعني فوگ ما خاينتني الدور صلفة وتچذبين
بـ عيني هاي شفتچ
احچي هذا منو الساقط الدتخونيني وياه احچي احسن ما ابتلي بيچ گدامهم ترى صبري بدا ينفذ
موسى.. شلون يعني مراح نخلص من مكسراتچ
مو كافي خليت أبني يستر عليچ
تجين ترجعين للدرب الأعوج **** خو ما **** والله لو ذابحچ بذاك اليوم كان أفضل أقلها نخلص من عارچ
نرجس.. لا هنا وكافي ما اسمح لك تسمع لو لاااا
اني وانتَ نعرف منو الساقط بيهم
لترمي بلاوي أبنك على هاليتيمة خاف الله وراك حساب وكتاب
موسى.. انتِ بالذات ما اريد أسمع صوتچ
تربيتچ هاي وشوفيها
أول غراميات ويا أبنچ بعدين لافت على أبن عمه لحد ما خلته ياخذها بالحرام وما اكتفت بزواجها منه
اجت هسه تخونه الله أعلم ويامن متشبع من الزلم العار
الحجية.. استغفر الله
استغفر ربك وليدي حرام الدتحچيه هاي عرضك ومرت أبنك كلامك هذا مردود عليك وعليه اصحى عاد
أميرة.. عمة بعينها ان شاء الله
وصلت بيها تتمعشگ وهيَّ على ذمة رجال
وين تريد من كل هذا شنو تفرعنت لأن ملگت زلمة بيه حظ يضبها وسفة والله
عطاء.. كااااافي عاد كاااااااافي اني اشرف منكم كلكم
أبنچ هوَ الساقط واليحتاج له ضب
مو كافي أخذني غصب وهسه جاي يتهمني بالخيانة لا والله لهنا وبس اني بعد ما اتحمل مرضه وشكوكه
مروان.. لچ شفتچ بـ عيني يا اتهام هذا !!!
عطاء.. عندك دليل
مثل متعرف الخيانة تحتاج دليل وين دليلك اني خنتك
واذا مجبت دليل اني عندي كل الواگفين يشهدون على اتهامك الي بالباطل ومستحيل اسكت هالمرة
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
