عقد البنات

البارت 70

#عُقد_البنات
البارت السبعون
للكاتبة لبنى الموسوي

مرات ياخذنا الـ ضعف بس نبقى نحچي بـ قوة
ومرات من جوة الكسر بس الـ ملامح حلوة
شما بيك كابر واستمر ،
وبجرح گلبك لا تُمر
وبـ يوم لو جدمك تعب خليله روحك تچوة . ✍🏻
____________________

ورد.. رجعت بخطوات بطيئة جداً ، لزمت المحجر أسند طولي عليه ونزلت قبل ليحسون على وجودي .

بـ كل شي ما أشعر حالياً ..
لا عقل يشتغل ، ولا قلب ينبض ، ولا رئة تتنفس
مجرد جسد يتحرك مثل متتحرك الألة بدون إرادة ومن غير وعي

عشق.. بعدني انتظرها بـ تردد حايرة أدخل وراها لو لا
طلعت الوجه دم من شدة الـ حُمرة والجسم ينفض من العصبية ، ركضت عليها بـ خوف : شنو شفتي ورد !!!

- موبايل جايبة وياچ موبايل
- لا
- *** بالحظ ***** ليش ما جبتيه ليششششش

- شتسوين بيه غير أفتهم
- اصوره للگـ***

حچتها وسحبتني من إيدي ، طلعتني من البيت بـ هدوء ورجعت قفلت الباب من برة .. مشت قبلي

- تعالي يمعودة غير تفهميني شـ صار

- الگـ*** ويا الگـ*** مالته سوى وعلى فراشي تخيلي

- لچ منووووو
- بلال ونورا الله ياخذهم ان شاء الله

- لحظة لحظة يا نورا بس لا مرت عمر صديقه المقرب

- اي هيَّ السـ****

- چذذذذذذذذب ، لا عزة ما اصدگ مو الـ هالدرجة !!!!

- امشي فضيني لازم نرجع للبيت قبل لتحس ماما

- على شنو ناوية فهميني ليش ما واجهتيه

- واجهتي راكان انتِ من رجعتي ولگيتيه ويا الخاتونة بالغرفة والمزاج عال العال

- لا
- خلص لعد هيچ عالم ميستحقون المواجهة

- بس اني غير ورد ، اولاً هيَّ مرته والكان يصير بيناتهم بغض النظر عن موقفي تجاهه يظل حلال وشرعي مية بالمية

ثانياً هيَّ زوجته قبلي وحقها بيه أكثر مني .
يعني حتى و إن كنت أجهل زواجهم قبل إرتباطي بيه لكن تظل الحقيقة ثابتة متتغير سواء بـ علمي أو بدونه

بس بلال ونورا !!! شي مقرف جداً
شلون گدرتي تنسحبين من البيت بدون مـ تواجهيهم

- ما تزوجته السواد عيونه حتى أواجهه تزوجته لسبب ولنفس السبب انسحبت من البيت بـ كل هدوء

- يعني أفهم من كلامچ راح تستمرين وياه بعد كل شي شفتيه بـ عيونچ وعلى فراشچ

- بعدين نحچي عشق حاولي توگفين تكسي ؏ السريع

- سحبت إيدها التنفض مثل السعفة حضنتها بين كفوف إيدي : اترجاچ حبيبتي لتحملين روحچ أكثر من طاقتها وانتِ مريضة