#عُقد_البنات
البارت الثاني والستون
للكاتبة لبنى الموسوي
ولكني وجدت نفسي مُنتصرة في كل مرة أعتقدت فيها أنني هُزمت .
__________
عشق.. لازمة إيد أختي و دموعي تنزل جمر على خدي
ليش وصلت الـ هالحالة وين نبض القديمة الـ ضحكتها كانت تعبي المكان شـ صارلها وذبلت فجأة
مسحت على راسها انحب بـ خنگة لو يطلع بـ إيدي أخذ الوجع من صدرها الـ صدري بس للأسف هالشي ميصير
- نصيت بـ همس : گومي ولچ هالنومة مو الچ
مـ تعودنا نشوف بزونتنا بـ هالضعف هذا ليش متگعدين
ورد.. بعدها نايمة
عشق.. بعدها
ورد.. الله ينتقم منهم شـ مسوين بيها اللي هيچ وگعت اااخخ لو بس اعرف يا **** دمرتها لأنتف شعثتها
عشق. اسكتي يمعودة ماما شوية و تموت من قهرها على هالمسكينة لتحچين گدامها شي
ورد.. ما حاچية ، وضربت على حلگها شو خلصنا عمرنا نبلع بـ هالضيم ومملحگين ظلت على هاي يعني
عشق.. بس رمانة كافي مو وكتچ ترى البينا كافينا
رجعت باوعت الـ نبض أمسح على راسها
سرحت بخيالي ويا تفاصيل وجهها ثواني وفزيت على صوت موبايلي رن
كتمته وگمت ؏ السريع هذا مُرسل بس أرد عليه وأرجع
انسحبت من الغرفة بـ هدوء ، فتحت الخط على نهاية المكالمة الووو ها مُرسل اعتذر والله هسه يلا فرغت
- وينچ يمعودة ظل بالي اتصل وماكو
- أختي حالتها كلش تعبانة
- بعدها
- اي والله بعدها على نفس الحالة إذا مو اسوء
- شنو السالفة مو أخذتوها للدكتور
- بس دكتور گول دكاترة لكن للأسف محد ديعرف علتها وين وهيَّ سودة عليَّ نوم مدتنام لو ما المسكنات
- ورجلها إجى ، وگف وياها ، لو كالعادة متهمه السالفة
- اي إجى بس اسقاط واجب تعرفه بعد ميحتاج احچي
- گرت عين أمه
- شكو ماكو شلون الدوام أحد سألك عني
- اي دكتور مؤمل سأل عباله اليوم تمتحنين ميدري هوَ اني ما عندي علم بـ غيابچ لأن حضرتچ متردين
- مو اعتذرت لتظل لازمها عليَّ
- تداومين باچر
- والله ما ادري المشكلة ماما وضعها ابد مو تمام صعب اتركها وحدها وهاي لو گعدت تخبص الدنيا بالبچي
- تمام اني راح احاول احچيلچ ويا الدكاترة مياخذون حضورچ هالإسبوع بلكت للأحد تگدرين تداومين
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
