#عُقد_البنات
البارت التاسع والعشرون
للكاتبة لبنى الموسوي
بارت مفاجئ لعيونكم حبايب وأرجوا المعذرة إذا تعبت نفسيتكم بسبب قساوة الأحداث لكن هذه أمانة
يعني لازم أنقلها مثل ممطلوب مني وخليكم واثقين ما بعد الضيق إلا الفرج ورب العباد يُمهل ولا يُهمل....
متابعة ممتعة 💚💚
ويا ما حچوا فزت رحيل منو نومتها باوعت لـ فوگ
بس شافتهم صرخت خايفة
ركض واحد منهم سد حلگها وحملها من الفراش طفرت مثل المجنونة أريد أخذها منه إنسحبت بـ قوة
لزمني من زندي وإثنين حاصروا آمنة دفعوها ع الباب
صاحوا إنزلن بدون صوت يلاااااا
مگدرت أعاند بناتي نايمات أخاف إذا فزن يوگعن بيدهم مثل موگعت رحيل... أشرت الآمنة يعني إنزلي
دفروا الباب ودفعونا بـ قوة
مشيت بـ خطوات ميعلم بيها إلا رب العالمين وحده
وصلت للدرج بس نزلت رجلي إلتفتت الحقراء مطوقين رحيل كاتمين صوتها ودموعها تنزل مثل المطر
صارت عيوني بـ عيونها رمقتني بـ نظرات كلها خوف
هزيت بـ راسي أحاول اطمنها
نزلونا للصالة گعدونا بـ مكان واحد وظلوا يفترون بكل زاوية وكأنما ديتفحصون البيت بس ليش ما ادري
- بركان فوت ع السريع جيبلي قطع ملابس من جوة
- شـ كم قطعة
- اليطلع بـ إيدك المهم نسيطر عليهن
بس حچاها فات للغرفة طول الوقت أسلحتهم موجهة علينا حذرونا بس نتنفس يطشرون دماغ رحيل
جاب كومة ملابس من ضمنها القماش الـ دتخيطه آمنة
تقدم زعيمهم يمكن لأن كلمته مسموعة عدهم
نزل بـ مستوايا وضحك عطاء مو هزيت بـ راسي چان يصيح يا هلاااا واخيراً حصلي الشرف أتعرف عليچ
- انتَ منو
- عزرائيل ان شاء الله
- اترجاكم لتأذونا والله معدنا شي
وإذا ممصدگني خليهم يفتشون البيت حتى اللگمة گوة ندبرها مو الدور فلوس وذهب دخلتوا للمكان الغلط
- لااا مع الأسف شـ شايفتنا قابل حرامية ترى احنه ولد خير وعيونا مليانة بس من توصل للحق تفرغ
- شنو يعني مفهمت شتريد لعد إذا مو حرامي ؟!!
- إلتفت للجانب آمنة أكيد
وهاي الحلوة رحيل.. يا ما شاء الله كبرانة وصايرة مرة
- إنصدمت يعرفنا بالأسماء
بـ نبرة خوف گلت له اترجاك احچي منو انتَ وشتريد
- مو گتلچ عزرائيل وتعرفين عزرائيل من يجيچ شيريد
- ماما اني خايفة
- اشششش حبيبتي ماكو شي هسه يرحون لتخافين
- إلتفت عليهم شتگولون مرته لو أخته
- مرته سيدي
- لا سيدي أخته تأذيه أكثر هذا رأيي المرة متهم الرجال
- لا هاي ولا هاي سيدي بنته أكثر شي يوجعه وشوفها گدامك مرة كاملة تونس وتريح هماتين
- لككك گلت مرته شبيك هاي لسه طفلة صدگ تحچي
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
