#عُقد_البنات
البارت السابع عشر
للكاتبة لبنى الموسوي
الصدمة كانت أكبر من أستوعبها بـ جملة وجملتين
عيوني حرقتني
النبض أضطرب
التوازن أختل
كل شي بيَّ خرج عن طبيعته حتى أنفاسي تحولت جمر
سندت نفسي ع الحايط وگعدت بالأرض
الفكر شارد لكن مسامعي وياهم أريد أعرف هالكلام صار بالفعل لو أكو لعبة جديدة من ألعاب مروان المتنتهي
اصواتهم مرتفعة جداً يا دوب بس نسمع بعض الكلمات وأغلبها غلط وتجاوز لأن الطرفين صايرين أعصاب
بعدنا على هالحالة صاح عمي مُنتصر اخذولنا طريق
رجلي متساعدني أوگف
أشرت الآمنة سندتني ورحنا للمطبخ هوَ أقرب شي النا
ثواني وصارت هوسة بالبيت
باوعت مرت عمي من فتحة الباب دخلوهم للإستقبال
ظلت تدگ على وجهها وتروح ترجع تدعي على مروان
متحملت أظل بـ مكاني
تركت آمنة تحچي ويا أمها وتمشيت من الباب الخلفي بـ إتجاه الإستقبال بعدني مواصلة إجني وراية
م إهتميت الـ وجودهن أريد أعرف شديصير بـ هالبيت
تقربت من الشباك صوت عمي موسى واضح
حطيت إذني أتنصت يمعود دگول يا الله ترى كل الگلته كلام ليودي وليجيب ومينطيك الحق تشك بأبني
- انتَ شگاعد تلغي موووووووسى
أبنك نهبها
رضيت أو ما رضيت نهب البنية وألف دليل ودليل عليه إذا متسوي حل أروح أشتكي وعليَّ وعلى أعدائي
مُنتصر.. أبو طارق صارلك ساعة بس تصيح وهالأسلوب ميجيب نتيجة ولا راح يرجع بنتك
المطلوب منك تحاول تهدأ شوية
تاخذ نفس عميق وتحچي بالتفصيل شنو صار وأهم شي نريدك تفهمنا على أي اساس شكيت بـ مروان ؟!!
ليش هوَ شـ جابه على بنتك الـ مصون ويا ريت تحچي بـ هدوء حتى نفهم عليك
- خوية مُنتصر وقبل كل شي
انتَ تعرفك بـ أخوك من سنة الى سنة ونص تقريباً
اجى للمحل مالتي وطلب إيد بنتي براء الأبنه موسى لو لا حتى على أساس جوابك أعرف شلون احچي وياك
- هاي شنو صدگ موسى ردت تزوج أبنك ومرته حامل
- الله يرحم أمك وأبوك
اني رفضته على هذا الأساس شلون أوافق وهوَ ماخذ بت عمه والبنية حامل وچانت على أبواب ولادة
طبعاً هذا السبب الرئيسي
بس أكو أسباب ثانية منها مثلاً سلوكيات مروان نهائياً متعجبني أحسه ولتزعلون ممتربي عكس باقي ولدكم
المهم اني رفضت وإنسد الموضوع يمي
حتى مگلت الأخوانها
مشفته مهم لدرجة أشغل بالهم بيه بس بالمقابل موسى أفندي ظلت السالفة تاكل وتشرب وياه ومنساها
وهاك أخذ الدليل على كلامي
من إجتكم أم طارق تطلب إيد بنته الـ هيثم شنو صار
رفضوه رغم أبني ومو لأن أبني بس بشهادة كل العالم ميتعيب رجال ومتربي ع الرجولة وأخلاقياتها
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
