#عُقد_البنات
البارت الثامن والعشرون
للكاتبة لبنى الموسوي
تقدم بـ إستغراب وگف صادق گدام آمنة يحميها
گبل سحبه من ياخته
رفع إيده ديضربه دفعها حيل.. ركضت سحبت آمنة من بيناتهم
صادق.. اصبر خلينا نتفاهم مو كل شي عندك بالمشاكل
مروان.. لككككك نتفاهم شنوووو
مووو معناها ساعدتوهم مرة مرتين تجي تدنس عرضي بـ قذارتك منو سمح لك تعتب البيت الما بيه رجال
صادق.. ليش من شوكت چان بيه رجال شو من إنتقلن لـ هنا وهنَّ وحدهن حتى بـ اصعب الظروف
مروان.. لككك اليوم أسويك فرجة الأمة محمد
حچاها وضربه بوكس
وگع صادق بالأرض سند نفسه وگف وتقدم بـ اتجاها
- اسمع لك لتصير رجال بـ راسي على أخر وكت
مو اني الألعب بـ أعراض العالم
ولا اني الأستغل بنية مكسورة وأدنسها بقذارتي اني أبن حجي أمير إذا متعرفه اسأل عنه وشوف شيگولون
- لا واضح من وگفتك هنا انتَ وهاي الـ*....
- بعده ممكمل الكلمة صاح بيه هيووووو لسانك أختك هاي شلون تحچي عليها غيررررة سززززز
- منو انتَ حتى تعلمني شلون أعامل أختي ؟!!
- اني الغريب الشايل همهن وخايف عليهن أكثر منك
يوميا بالليل اگابل السطح وأوگف اگول خاف لا سامح الله يطفر عليهن أبن حرام وهنَّ نسوان بدون رجال
اني اللي إذا سمعت عنهن كلمة بالمنطقة مو زينة اشگ حلگ الحچاها واوگف مثل الشوكة بـ عيونه
واني اللي يوميا اسأل الوالدة بأخر الليل
مريتي عليهن؟! شفتي إذا محتاجات شي لو لا ؟!
بس لأن ادري ماكو بـ ظهرهن رجال يلبي طلباتهن ساعة اليحتاجن المساعدة
عرفت منو اني لو لا وأحذرك ترفع إيدك مرة ثانية
أختك عرضي وبس الناقص يدنس عرضه
ما بيني وبينها أي شي كل الموضوع طلبتها للزواج مثل أي شاب ورفضت فـ حبيت أعرف سبب الرفض
وما اتصور بيها شي لا لگيتي وياها بالغرفة ولا إجيت وشفتنا بوضع غير أخلاقي
واگفين بالطرمة المكان مكشوف گدام الجيران وزوجتك الكريمة هاي واگفة يمنا وتسمع كل كلمة نحچيها
- چان إجيت وطلبتها مني ليش تخلي كلامك ويا المرة هذا قدر نفسك بـ عينك
- وشبيها المرة ؟!!!
مستعر منها حضرتك ليش انتَ منين صرت مو من مرة
بعدين هاي حياتها وهيَّ للي لازم تقرر
ساعة التنطيني موافقتها عود أجي اطلبها منك رسمي بس گتلك البنية مموافقة وهذا سبب جيتي لهنا
هسه صار لازم اروح بس اتمنى ما أسمع بيك مأذيها لأن ثق بالله ما اسكت وأعتبر كلامي تهديد واضح الك
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
