#عقد_البنات
البارت الثاني والثمانون
للكاتبة لبنى الموسوي
لتنسوون (التصويت + التفاعل) حتى يتنشط الحساب فضلاً وليس امراً حبايب قلبي .
متابعة ممتعة 💛
ما زِلتُ أشعُرُ بكِ بينَ يَسار صَدري وَدَمي ، تَستوطنينَ هناكَ وكَأنكِ نَبضة ما إن تَسكُن داخلي و يهدأ ضَجيجُها تُغادرني الـ روحُ دونَ عودة . ✍🏻
________
ورد.. بس لحظة ، شنو زوجته شگاعد تحچين انتِ !!
لا مستحيل بلال مـ متزوج
سلسبيل.. ليش مستحيل شنو ترديه يظل عايش على أطلال الماضي !! اكيد من حقه يشوف حياته
ورد.. هبة !!!
سكتت و من سكوتها عرفت الحقيقة ..
ورد.. اي وهسه شرايدة اني شكو زوجته عشيقته شعندچ جايتني وشتردين ومنو هالحيوان الوصلچ إلية
سلسبيل.. اعصابچ ترى مو بـ نيتي أأذيچ ، يعني حسب مسمعت انتِ الإنفصلتي عن بلال بإرادتچ فـ متوقعت راح تضوجين من وجودي لـ هالدرجة
ورد.. أختصري رجاءً
سلسبيل.. حابة أعرف السبب اللي خلاچ تنفصلين عنه
- واني شكو ذاك هوَ وروحي اسأليه
- سألت مـ قبل يحچي لي شي
- حبيبتي ترى اني لا أول ولا أخر وحدة تنفصل عنه اكو غيري خير من الله شمعنى عفتي الكل وإجيتي عليَّ
- لأن كلهن مرن بـ حياة بلال بشكل عابر إلا انتِ حبچ وبعده يحبچ وتعرفين هالشي
- لعد شلون قبلتي على نفسچ تاخذين واحد گلبه مو اله ترى قرف والنبي خلصوا الزلم قابل
- مو اني قبلت ، يتيمة وعمي زوجني اله غصب عني
- ممممم وبعد مـ تزوجتوا حبيته وهسه خايفة لا بيوم من الأيام أحن وأرجع له مو هيچ الحچي ؟!!
لا حبيبتي لتخافين اني عندي مبدأ ثابت ميتغير لألبسه وأنزعه مستحيل أرجع ألبسه لو ينصب لي ذهب ويترصع بالألماس يعني بين قوسين بلال بحح من حياتي
المهم اجيبها الچ من الأخير من الغالي لتخافين خافي من الرخيصات الداير مدايره لأن رجلچ يماااااااي هيچ روحه بالنسوان يتنفسهم بدل الهوى ، الله يساعدچ
- يعني هسه أفهم من كلامچ خانچ وتركتيه !!!
- هه مسكينة والله أشفق عليچ والمشكلة مالچ إختيار بـ هالزواج بس عندچ غير شي ، عندچ كنز هنا
تقربت منها أشرت على راسها : هالمخ هوَ المكسب العظيم المستحيل يگدرون يسلبوه منچ مهما كانوا أقوياء وكنتِ ضعيفة ، شغليه زين وعيشي لأن الفقر وقلة الحيلة متفيد ويا هيچ عالم هدفهم الوحيد يبيعون ويشترون بيچ بفلوسهم ومناصبهم ، صيري سباعية وواجهيهم بـ ذكائچ ليظل شغلچ الشاغل شلون تحافظين على رجلچ من النسوان ترى لو يريد يحب ويخون راح يحب ويخون لو تشعليله العشرة شمع وبما أنو انتِ إنجبرتي على هالزواج استفادي حبيبتي وعوفي الحب وخرابيطه على صفحة ، ميفيدوچ صدگيني ، المهم اني نصحت وعقلچ براسچ تعرفين خلاصچ .. استأذن
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
