عقد البنات

البارت 86

#عقد_البنات
البارت السادس والثمانون
للكاتبة لبنى الموسوي

وعندما بُحتُ إليكَ عما في داخلي ،
عما يؤلمني ويرهقني
عن ذلك الذي يؤذيني ويبكيني
شعرتُ بأني شكوتُ من نفسي لـ نفسي و أنتَ الذي لم تزلْ نقطةً للتوقف ، ممحاتُها عندكَ وبيدك . ✍🏻
________

نبض.. أستاذ آريان هاي شدتسوي حضرتك !!!

مديت إيدي على سترته أريد أنزعها رفع إيده ديلزمني تراجعت بسرعة حتى مـ يتجرأ ويسويها

بدون أي كلام إلتفت لليمين اجت سيارته جايبها واحد من جماعة الإستعلامات ، نزل سلمه المفتاح تشكر منه وراح ، اباوع ؏ الطلاب الديمرون من هالطريق عيونهم علينا حتى لو ميعرفوه أستاذ بالجامعة بس المنظر اللي احنه بيه وسترته الموضوعه على أكتافي تجبر المقابل يتوقف بـ خطواته حتى يكمل مشاهدة المسرحية ويرضي فضوله .

فتح باب الصدر ، أشر لي أصعد ، هزيت راسي بـ تعجب

- يلا نبض أصعدي شـ منتظرة

- مو هيچ عفية انتَ دتشوفون الطلاب شلون أكلونا أكل بـ نظراتهم ، ترى الگاعد تسويه مو صحيح حتى لو ميعرفوك وحتى لو عبالهم شخص عادي يظل هالفعل غريب وممألوف وبالنهاية مو صحيح عندي وعندهم

- شنو الصحيح بـ رأيچ ؟! تمشين بالجامعة بـ هالملابس إذا عندچ عادي حالچ حال غيرچ گولي حتى أفتهم

إلا شوية ابچي بسبب كلامه ، رجع سأل هزيت راسي

- هئ مو عادي

- اصعدي لعد يلا وخلينا نتحرك من هالمكان بسرعة

صعدت مجبورة ، بس طلعنا من الجامعة اتصلت بـ ورد

ورد.. اعرف تأخرت عليچ بس والله وصلت ها اها هذا الكراج صار گدامي راح أدخله فد دقيقة واصير عندچ

نبض.. اصبري يمعودة ، اني طلعت و...

ورد.. طلعتي شنو ؟!! أقصد ويامن مو توچ خابرتيني

- ويا أبن خالي

- يا أبن خالچ هذا ؟!! هلوووووو ، هلو عيني هلو أنتوا بتعملوها من ورانا ولا ايييييييه

- وررررد ، طلعت ويا آريان يلا انتِ همْ اطلعي ونتلاگي بالبيت ، راح أغلق الخط هسه

- شـ عندچ وياه ولچ لتخبليني سالفتكم مو خالية ابد

- بعدين من نتشاوف احچيلچ ، مع السلامة

حچيتها ونهيت الإتصال ادري مـ راح تسكت إلا هيچ ..

باوعت عليه مركز بالطريق لأن الشارع كلش إزدحام
ترددت احچي لو لا ، اكو شي بداخلي ديجبرني أوضح له سوء الفهم حتى لياخذ عني نظرة مو تمام

- تحمحمت وبدون تردد حچيت حتى لا أتراجع : آريان

- عيناه

حچاها وانظاره على الشارع ما التفت بـ اتجاهي ..