عقد البنات

البارت 67

#عُقد_البنات
البارت السابع والستون
للكاتبة لبنى الموسوي

الكثير من التفكير ، مع القليل من التدبير و الـ تخطيط يصنع منكِ عاصفة مرعبة تقتلع جميع أشواكهم .
___________

ورد.. اشششش يمعودة شجاچ لتسمع ماما يلا فضيني

عشق.. والله ما اتحرك منا إذا متفهميني شلچ بيه

- احطه ماسك لعيوني بدل الخيار
شسوي بيه يعني غير اتزقنبه حتى ليصير حمل واتورط

- عززززة بعينچ ولچ مو زين تاخذيه وانتِ توچ متزوجة لازم يصير عندچ طفل واحد ؏ الأقل يلا تبلعيه

- بابا شو دطيري شايفتني زوج حتى أورط روحي من هسه بـ طفل هوَ اني ينراد لي واحد يداريني

- أكص إيدي إذا كان هذا السبب واليوم تحچيلي يعني تحچيلي وإلا والله افضحچ گدام ماما وتعرفين الباقي

- يبوووو عشق شگد صايرة غثيثة

- ماماااااا

- طفرت سديت حلگها : احچي والله احچي بس خلينا نطلع لأن السالفة مو مال تنحچي بين حيطان هالبيت

- تمام نطلع و وين متردين بس المهم تقرين بالحقيقة

- أقر يمعودة من قرة عيني على هيچ أخت عوبة

- عادي حبيبتي شتحچين احچي العبرة بالخواتيم دومچ مراضية عني وتالي من تحتاجين شي مالچ غيري

اي اي بالضبط هوَ نفس المثل الأجى ببالچ هسه ، درب الچلب ويييين ؟!! ؏ الگصاب يـ عيوني انتِ

- امشي ألبسي ولچ لتخبليني عليچ

- سوت لي حركة استفزازية بـ حاجبها و راحت للغرفة

سحبت الحجاب وگفت لبسته ؏ المرايا وطلعت للطرمة ماما واگفة تخبز ، سودة عليَّ من الحر وجهها يقطر مايات تقربت بست راسها : الله يساعدچ حبيبتي

- الله يسلمچ يمة

- عندي كم شغلة ضرورية محتاجة اشتريهم من محل الكماليات الـ براس الشارع إذا تسمحلي طبعاً

- اي بنيتي انتظريني بس أخلص الخبز واجي وياچ

- لا ميحتاج خليچ مرتاحة راح أخذ عشق هوَ هيانة مو بعيد شغلة عشر دقايق ونرجع منتأخر

- خوش وعود أخذن الموبايل وياچن حتى ليظل بالي

- صار عطاوي الحلوة .. بستها ودخلت اركض

من الكيلدور صحت عشق يمعودة وين صرتي فضيني
طلعت تعدل بـ حجابها : هياني اجيت شبيچ مستعجلة

- ولچ لتظلم الدنيا مدتشوفين الساعة بـ بيش صارت
- بلغتي ماما
- اي
- يلا لعد نطلع ما عندي شي خلصت

وصلنا للصيدلية أخذت نفس نوعية المانع السابق دأدفع الفلوس سحبته عشق تقرا بيه

ردت أخذه منها رفضت تنطينياه ،
طلعنا للشارع مديتلها إيدي : جيبيه شو أخذچ الواهس