#عقد_البنات
البارت الرابع والعشرون
للكاتبة لبنى الموسوي
وَغيرَتي عَليكَ شَدِيد‌َة السُطوع ،
حارِقَة القُلوب ،
قَويَة الأثَر ..
وَغيرَتي عَليكَ يا صَاحِبي المُبَجَل كَـ لَونكَ المُفَضَل .✍🏻
_____________
نبض.. ماما لتسمعين كلامها ترى ناصبين لچ كمين هيَّ وخالو اني كنت بصفها من إتصل وإذا تريدين رأيي الرجال مريض بعد مـ يفيدچ شوفي لچ واحد يشتغل
ورد.. الكمين بس للزمايل لذلك عفناه الچ
عشق.. لچ بزونة إحترمي نفسچ و الله لو خالو موجود ويسمعچ هذا الحچي إلا يجيب لچ أخ جديد بـ نفس اللحظة حتى يراويچ منو هذا اللي ميشتغل
عطاء.. سدن حلگچن يلااااا ، احچي ولچ انتِ شـ يريد خالچ ترى مالي خلگ لإتفاقياتكم وسوالف ناصر
ورد.. والله هذا الرجال خلص عمره مظلوم ويا عطاوي سودة عليَّ خالو متستاهلك أمي بس انتَ مـ تفتهم مع إحترامي لحضرتك طبعًا لكن للأسف هيَّ هذه الحقيقة
نبض.. أقصف ولا تبالي فـ شباك الخصم مفتوحة أمامك
عشق.. لا جد أكلن جت لأن محد إنظلم غير هالمسكينة
عطاء.. وتالييييييي ، احچي ولچ شنو يريد خالچ مني
ورد.. الغول رجع ومريض كلش فـ يريدنا نروح نشوفه لأن مثل مـ تعرفون خالو رجال صاحب أصول ويدري زيارة المريض شگد واجبة خصوصًا على أهله ومعارفه
عطاء.. لا نروح له ولا يجينا خليه يسد هالموضوع
عشق.. متردين تروحين له انتَ حرة ماما بس اني صار لي أشهر ميتة تعرفين شنو يعني ميتة علمود أواجهه
ورد.. واني كنت أحلم أشوفه متجرد من قوته وعاجز
نبض.. اني همْ أريد أقابله خصوصًا بعدما راكان إعترف على أعماله القذرة وعرفت بالمرتين هوَ الخطفني وبنفس العصابة يعني على أقل تقدير لازم يفتهم ماكو حقيقة تظل مخفية وإلا ما يجي اليوم الينكشف بيه گدامنا مثل ما صار هسه بالضبط
نظر.. اجي وياكم و إذا سمعت كلمة بعدك صغير و الله العظيم اعوف لكم البيت و أهج
ورد.. سوالف عطاوي بطلهن نظر أفندي مو كافي علينا يوميا تهدد ألبس عباتي وأهج الدور انتَ إنعديت منها
عطاء.. كافي أمي دوختوني تردون تروحون روحوا ما لازمتكم بس أخذوا خالكم وياكم وواحد يدير باله على الثاني مريض مو تتسبعون عليه عوفوه هوَ و ربه
ورد.. ندري عيني ندري خايفة على أبو حيدرا
عطاء.. ورد بسچ عاد
ورد.. حاضر ست عطاوي بس شنو هسه ما بيها مجال تغيرين رأيچ وتجين ويانا حتى تواجهيه
عطاء.. المواجهة الحقيقية يوم الحساب بين يدي رب العالمين هناك بس الحق يرجع لأصحابه
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
