#عقد_البنات
البارت الثاني والتسعون
للكاتبة لبنى الموسوي
فـ إذا وقَفتُ أمامَ حُسنكِ صامتاً
فـ الصَمتُ في حَرَمِ الجَمال جَمالُ
كَلِماتُنا في الحُبِ تَقتلُ حُبَّنَا
إنَّ الحروفَ تَموتُ حينَ تُقالُ
حَسبي وحَسبكِ أن تَظلي دائماً
سراً يُمزقني وليسَ يُقالُ
نزار قباني ..
____________
عطاء.. زين على الأقل فهمني نتأخر لو لا
ناصر.. يعني مو كلش ولتجيبين أحد وياچ يلا انتظرچ بالسيارة مو تتأخرين جهنم الدنيا برة
نبض.. حچاها وراح ، دخلت ماما غيرت ملابسها وتبعته بقيت گاعدة ويا خواتي تأخروا بالرجعة ، قريب المغرب راحت عشق للمنظمة و وصتني ألف وصية إذا رجعت ماما قبل رجعتها إتصل انطيها الموجز
ورى الصلاه بـ ساعة يلا اجت ، مباشرةً دخلت للحمام تسبح ، واگفة بالمطبخ أجهز العشى فاتت لي ورد مثل العاصفة حتى الصواني وگعتهن من السرعة
- ثول ثوووول شبيچ عمية متشوفيهن گدامچ
- دعوفي الصواني ولچ وخلينا بـ أمچ
- شبيها ؟!!
- من برة گبل للحمام وتعرفين ويامن طلعت شتگولين بس لا عقد عليها السبع من ورانا ، طلع مو سهل
- عزززززة ، انچبي ولچ انچبييييي شدتحچيييييين
- شبيچ شگلت قابل ؟!! بعدين وإذا تزوجوا لا عيب ولا حرام بس نعتب عليهم علشان بـ يعملوها من ورانا
- ورد راح ارگعچ بالطاوة ، ماما مو هيچ مستحيل تسوي شي بدون علمنا وإذا ؏ الحمام الدنيا حارة احنه همْ أغلب الأحيان من نرجع من برة بـ وجهنا ندخل نسبح شنو الغريب بالموضوع اكيد دتتشاقين
- ههههههههه طبعاً اتشاقى قابل ما اعرف عطاوي بس تردين الصراحة اتمنى ينجمعون بعد تعب هالسنين هسه المشكلة الأستاذ ذابها ؏ الصامت يعني مرته حچت وهوَ لا متگوليلي شـ منتظر الركضة خو ما الركضة هاي عود قبل فترة حرگته بـ عمو صادق شو صار بنفسجي من الغيرة وبلعها وسكت يبووو راح يجلطني والله لعد وين حبه وصلني لمرحلة صرت أشك يحبها من هالسكوت الغريب بعد شوية واروح اسأله بـ نفسي
- لچ يحبها ليش اكو واحد يعرف معنى الحب الحقيقي غيره بس شوفي شكو بـ باله ، المهم صدمتيني والله أخر وحدة متوقعتها توافق على زواجهم انتِ
- ليش ما أوافق مو كافي ضيعت عمرها علمودنا نجي هسه نستخسر بيها السعادة اصلاً لو يطلع بـ إيدي هسه اروح اجيب الشيخ يعقد الهم شتحچين يمعودة
- ومرته ما فكرتي بيها
- شكو عليها قابل مو هيَّ بـ نفسها اجت خطبتها بعدين يا عيني مصت عظمه مص شـ ظل بيه متگوليلي خـ تخلي الباقي من سنينه لعطاوي مو كافي شبابه خلص وياها لاحگته على الشيبات
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
