#عُقد_البنات
البارت السادس
للكاتبة لبنى الموسوي
صدمة كبيرة
رعب مصحوب بالخوف من مواجهة نهاية الحياة
تساؤلات ليس لها ادنى اجابة
اني وين وليش خالتي سوت هالشكل؟! معقولة تدفعني للموت بـ نفسها وهيَّ الـ ضحت بعمرها علمودي
غصت بـ أعماق النهر اصارع أنفاسي الأخيرة
ذكريات حياتي مرت مثل الشريط بـ ذاكرتي لحظات من عمري مستحيل انساها
النفس بدا يضيق بـ صدري
عيوني كانت مغلقة من حلاة روحي فتحتها
الإنسان ساعة اليواجه موقف يقربه من الموت يشوف اشياء بـ عمره متخيل يشوفها
لدرجة حسيت الدنيا صارت اصغر من مدى الرؤيا داخل عيني
فجأة انسحبت للخلف
باوعت بـ صعوبة عمي مُنتصر ضغط على بطني بـ قوة
ما ادري شصار
فتحت عيني هوَ وخالتي واگفين فوگ راسي
من التعب مگدرت انطق حرف
گعد يمي مسح على وجهي يسأل شلون صرتي هسه
هزيت بـ راسي و وجهت نظري على خالتي
سكتوا عافوني ارتاح
شوية وسندني عمي گومني
گال الخالتي أم ناصر لفيها بـ عباتچ الجو بارد لـ تتمرض
سوت مثل ما گال لها وتحركنا للبيت
كان يمشي قبلنا
مسافة وهمست خالة شصار انتِ دفعتيني لو يتهيألي
- لا اني
- ليش شنو ترديني اموت ؟!!
- اكو وحده تقتل ضناها اكيد لا بس علمودچ حبيبتي
- شلون يعني علمودي فهميني ترى عقلي راح يوگف
- بعدين بالبيت
- هسه خالة هسه لأن وصلت المرحلة امشي وياچ واني معندي ثقة بيچ وين تردين توصلين من كل هذا
دارت وجهها عني بدون مترد
اني همْ سكتت تعبانة حتى النفس اسحبه بـ صعوبة
وصلنا للبيت أخذتني گبل الـ غرفتها
طلعت المنشفة خلتها بـ حضني.. باوعتلها توني داسأل انفتحت الباب ودخل عمي مُنتصر ويا مروان
مروان.. شنو شبيها عمة صدگ رادت تنتحر !!!
نرجس.. اي من ورى سوالفك غير
يوميا ترجع شارب وتنزل بـ هالمسكينة ضرب عود هاي وانتم لسه عرسان لعد بعد كم سنة شتسوي بيها
مُنتصر.. انتَ وتالي وياك شوكت تكبر وتصير رجال
ألف مرة گتلك هالسم لـ تشربه
هاك شوف شسويت همْ الحرام عليك وهمْ بسببه دمرت حياتك وانتَ لسه مبانيها فهمني شسويلك اني
مروان.. وهيَّ على أي اساس تطلع من البيت بـ غيابي
مُنتصر.. اني سمحت الها عندك اعتراض افندي ؟!!
بعدين هذا مو موضوعنا
شوف حل النفسك وعوف الشرب لا قسماً بالله كلامي يصير ويا أبوك وتعرف انتَ بـ موسى ميرحم
مروان.. هذا لعب جهال يسموه
شنو زعطوطة وهيچ تتصرف اشكال النسوان يتحملن من رجولتهن لو كل وحده مثلها تنتحر لا ربحنا
- مروااااان عوف الشرب
- عمي كافي مو جاهل گدامك وتصيح عليَّ
- رايح الموسى
- لاااا يمعود تعال وين رايح.. ميخالف بعد ما اشرب
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
