#عُقد_البنات
البارت الرابع والسبعون
للكاتبة لبنى الموسوي
وأنتَ تحاول تمريرَ أصابِعُكَ من فوقِ نيرانِهم ، إياكَ أن تحترق .
__________
نبض.. غسلت إيدي من الـ دم ورحت له بسرعة
دخلت الغرفة ، واگف يم الميز ومطشر الأغراض الـ بيه على كبر الگاع !!!
رفعت عيني بـ استغراب : خير يا رب شـ صاير يمك
- الـ ورق ووووين
- يا ورق ؟!!
- فلوس فلوس هنا چنت حاطهن وين راحن جاوبيني
- على كيفك على شنو دتصيح دورهن زين اكيد غيرت مكانهن وناسي اني شكو بالموضوع
- شنو شايفتني أثول گدامچ قبل يومين ظميتهن هنااا تردين تقنعيني من نظفتي ما لمحتيهن ابد
- لحظة لحظة شنو دتشك بيَّ حضرتك ؟!!
- ليش منو غيرچ بالبيت
- لااااا عاد لـ هنا وتلزم حدك عيييييييب استحي
- لچ لتخبليننننني داگولچ حاطهن هنا قابل اكو بالبيت جني وما ادري احچيلچ شي ينعقل
درت وجهي بعصبية سحبت العباية من الزاوية وطلعت
ظل يصيح وراية ما جاوبته .
ركضت للرف أخذت مفتاح البيت فتحت الباب ونزلت ؏ السريع قبل ليلحگ بيَّ ويمنعني ، لازم أحطلهم حد
باب أهله مفتوح لأن ولد سيما ديلعبون بالشارع
دفعتها ودخلت اصيح ، تلگتني أمه ثواني وطلعت الحية
سيما.. ها شكوووو شبيچ تجوعرين
نبض.. متستحين بلا ما ظل بعد غير تبوگين انطيني شي واحد براسه حظ حاويته حضرتچ ، ماكو بس الشين
سيما.. هيوووو احترمي نفسچ لا بالقندرا لا عبالچ شبل بظهرچ راح اسكت اصحي عيوني ما عندي لحية مسرحة اني ، هسه احطچ هنا واسويچ وصلتين
أم شبل.. شكو غير نفتهم
شبل.. حياة امشي ارجعي للبيت لتصير مو خوش وياچ
نبض.. ليش دترجعني مو تريد تعرف منو باگك هاي هيَّ گدامك واگفة ، أختك المصون سوتها حتى تكمل وياها همْ نفسية *** وشخصية متنجرع وهمْ حرامية
سيما.. لأخر مرة اگولچ حطي حلگچ بلسانچ لا أگصه الچ
نبض.. هه والله حلوة هاي فوگ شينه گواة عينه !!!
أبو شبل.. انتَ مدتسمع مرتك شـ تحچي
نبض.. شـ حچيت قابل غير هيَّ هاي الحقيقة ، صعدت عينك عينك باگت فلوسنا وطلعت الكلبه
أم شبل.. لا يمة عيب مو هيچ صح بنيتي عوجة بس ما توصل بيها للبوگ حكمي عقلچ شوية
نبض.. انتِ الحكميه خالة أبنچ وحسب كلامه قبل أكثر من يومين حط الفلوس بأول جرار بالميز وعافهن
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
