#عقد_البنات
البارت التاسع والسبعون
للكاتبة لبنى الموسوي
لتنسوون (التصويت + التفاعل) حتى يتنشط الحساب فضلاً وليس امراً حبايب قلبي .
متابعة ممتعة 💛
يا مرحباً بكَ في مقامكَ ، يا مرحباً بكَ داخلي . ✍🏻
________
نبض.. دكتور مادة العقوبات الخاص انقل صار له أكثر من اسبوعين وظالين هيچ بدون تدريسي بحيث هواي فاتتنا مادة والطلاب ما شاء الله فرحانين ؏ التسخيت حتى ميصعدون للعمادة يضغطون عليهم علمود يجيبولنا بديل يمشي المحاضرة
اليوم تصدف محاضرة العقوبات أخير محاضرة ..
بعدني بالثالثة اتصلت ورد تريد تطلع ماكو ربع الدوام مـ تخلص ومن كل عقلها تريدني اعوف كل شي واطلع وياها ، بلغتها ما اجي ودخلت للشعبة
حضرت محاضرتين على اساس بالخامسة شاغر ونطلع دزولنا خبر من العمادة الأستاذ راح يجي محد يغادر
ما فاد ويا الطلاب ثلاث أرباعهم طلعوا ، اتصلت على أهلي بلغتهم اتأخر وظليت گاعدة ويا زميلاتي بالشعبة ما عندي ذيچ العلاقة بيهن ولا أحب شخصياتهن بس مجبورة أجامل لأن گعدتهن صايرة بالستول الوراية ضبط وبيهن طبيعة جداً مزعجة حتى اثناء المحاضرة يغتابن بالعالم ويشتتن تركيزي مو بس الكلية لا الجامعة كلها حافظاتها بحيث الأخبار متنتشر إذا مـ يكون عدهن علم بيها أول الناس
- لچ نبأ امشي نطلع من كل عقلچ نحضر أخر محاضرة من شوكت صايرة سچاچة
- انچبي ندى غير الاستاذ الجديد يطگ بالگاع شفته من صعدت لدكتور صباح يبوووو غير شكل ؏ البايسكل
- احلفي ، يا عوبة ليش ما أخذتيني وياچ
- چنتِ ويا زينب بالنادي واني مستعجلة بس ولا يهمچ كلها دقايق وتشوفين الرجل الغريب بسلامته
ولاء.. عيني ممكن تسكتن شوية ترى راسنا واجعنا مو حچي هذا راعوا أكو عالم گاعدة يمكم صدگ چذب
نبأ.. وانتِ منو يمچ والله يا ربي
نبض.. رادت تجاوب سحبتها عليَّ بـ همس : دعوفيهن يمعودة مـ تعرفين يعني وحدتهن عبالك دلالة مشتهية تتعاركين اليوم لو شنو بالضبط
ولاء.. طگت روحي مگاعد تسمعين ، والله تقززت شنو يتغزلن بالرجال وين الأخلاق وين التربية بنات أخر زمن الله يستر علينا وعلى أمة محمد
نبض.. ميخالف شعلينا بيهن غلسي يجي يوم و...
بعدني احچي دخل الأستاذ ، الشعبة فارغة تقريباً بس لأن أعدادنا الأصلية هواي مغطين على البقية
حچت نبأ بصوت مسموع ويا صديقتها : شفتي الهيبة ولچ حتى تعذريني من ما أعوف محاضرته ، الله اللعب شكله راح يحلى كلش ويا هالحلو الصاك
رفعت راسي بفضول ، صدگ ستايله غريب مرتدي بدلة رسمية لون نيلي غامق وعلى راسة قبعة أوربية لابسها بصورة جانبية والحقيبة والمناظر ويا المعطف الأزرق شاغلات إيده
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
