عقد البنات

البارت 66

#عُقد_البنات
البارت السادس والستون
للكاتبة لبنى الموسوي

سـ أجعل من هزيمتي إنتصار ،
حتى نقاط ضعفي تلك سـ تتحول بـ فضل دهائي قوة .
__________

عشق.. كلمة صدمة قليلة جداً ؏ الشي الحسينا بيه كلنا بعد مـ استلمنا هالخبر الخيالي من ورد الشام

منو متصور أو حتى متخيل يجي هاليوم اللي بيه تلزم ماما ورقة حريتها من سجن مروان الأخذ من عمرها 30 سنة بالقهر والحرمان .

مـ انطتها مجال تتنفس ، بعدها دتسأل شلون حصلتيها قطعت كلامها من باست راسها وغادرت الصالة بـ استعجال

طلعنا وراها ، بابا وعمو صادق بالباب
اباوع الـ ماما تلوب كل شي ديصير خارج عن سيطرتها حتى تصرف ورد زعجها أكثر ميفرحها لأن تعرف كلش زين ثمن هالورقة مستقبل أختي

إلا شوية رادت تفركش العرس لو ما عمة ميسم حست عليها ومنعتها على أخر لحظة تقدمت بيها بـ اتجاه بابا

سلموا ورد الـ بلال وصار عمو صادق يوصيه عليها
دقائق بسيطة وتحركت الزفة
أمي ما گدرت تحضر بسبب حالة نبض بس اني و عمة ميسم رافقناها بسيارة عمو إبراهيم بطلب من ماما

هواي طولوا بالزفة قريب الساعتين يلا أخذونا للفندق

دخلنا للغرفة وراح يسلم على جماعته
ماكو بيناتنا غريب بس اني وعمه وخالة أم هبة وبنتها

ما گدرت احچي بـ حضورهم ، ظليت اعاتبها بـ نظراتي

شوية وقرروا يرجعون للبيت
انتظرتهم سلموا عليها بس طلعوا سحبتها من إيدها

- هاي شسويتي ثوووولة

- بعدين نحچي

- ظل بيها بعدين مو دمرتي روحچ ومستقبلچ بهالغباء

- يا مستقبل الله يخليچ ظل بيها مستقبل

- لچ انتِ تعرفين شسويتي...

- قاطع كلامي بلال بـ دخوله للغرفة عشق يلا ينتظروچ

- اي هسه جاية
رجعت نظري عليها وحچيت بـ همس بسيطة يا ورد

- روحي يلا العالم دتنتظرچ

- اتصلي تعرفين ماما مراح تغمض الها عين إلا باتصالچ

- اكيد اتصل مـ يحتاج توصيني

- باوعت الها بـ نظرة عدم رضا وطلعت من المكان فوراً

وصلنا للبيت نزلوني من الباب وراحوا لأن محد حضر هالعرس يعني مو مال يباتون مثل عادتهم

فتحت الباب دخلت عبالك عدنا عزة مو حفلة و زواج
ماما شادة راسها بالربطة ونبض رايحة راجعة مدتگدر تتنفس بـ راحة بس تحاول تخفي وجعها عنا

عطاء.. شلونها أختچ

عشق.. زينة ماما ليظل بالچ وأكدت عليها تتصل بعدما الله يسهل عليها وتخلص شغلتها على خير